Итак 😁 как я поняла из ответов на сторис, многие с трудом понимают ахтынский диалект, тем не менее, посмотрим, сможете ли вы дочитать, не сломав себе язык 😝 Если что-то не понятно - кхьихь 👇🏻 я подскажу.
Хьана хьанач кьон са кокни са шар.
Ибыр гъвечи вахтынилай чпиз чеб чизвей, ахпа вахт фена, эвейдала еке хьана, хизанар кутунвей.
Са къадар вахтар фена, пара береза ахкунвачей чпиз чеб, ахпа са къыз гьак1 хабар авачиз са куьчеза гьалтна.
Акурла хвеши хьана, сици сицива цзынар извей.
- Вучала вун, фина йишамиш жезва, вуч крарик ква?
- Авач, зын са къуьнзин к1иник ква, вуна вушзва?
- Анагь, ина ава зын -
вичин къылых гелей къацы векь эвей ник къалана шарци.
Никел инсанрин к1олни элей, абри кьец1ей-кьешей зирзибил экъичзвей фырын патаг к1ол гевей ин шарцин. Вични хъсан яц1ы йей шар, тымпыц хьти эвей.
- Гьиии, ви к1уьлин хъсанвал вуча, лап кефин к1ол я - пехил хьана кок.
- Гьан вирдаз гьак1а я - масцин зат1 аяр акваза, масцин чка кан жеза. Вичих эвейдал садни ризи тыш. Вуж акурт1ани вири ишезвейбыр я, авач-хьанач. Чизач ик1 вучиз хьанват1а.
Шарцин к1ол кукрандах галаз гекъиг авурт1а са къала йей, фик1 ят1ани шарци вичи шел-хвал извей.
Ут1а кукра ма куьт1 хъунач, лур гаф гыкьынач. Сагъхьуй лана ибыр хъфена гьар саних.
Кокни вичин к1уьлиз хтана. Вичин къуру къван акурла кукраз инаг рик1из къана, вични фена гьан дуст авей чказа йишамиш жервал хьана.
Кукраз кич1е йей, вучиз лагьайт1а дышманар пара авей, верчар, нуч1ар, кьушар масадбырни - ибыр вири
кукар нез гьазырбыр йей.
Кукра вичин паб-кукраз лагьана, ят1а за фена чирза ана вучрын дышманар - къушар ават1а, чавай ана секиндаказ ацукь жезейвал.
Фена кок ут1а зирзибилзин фыра авей шарцин патаг хабарар к1ват1аз.
Авейвал эхъейна:
- Зын келемзин кок я, гьанвили заз келемар герека. Закани папакай чепеликьар хьана канзвейза, келемзин пешар т1уьна канза.
Ин гафар хьейла шарциз аяр хьанач:
- Вун гьиля ина кьве векьин кьал акурла ина кавахьнван? Ина авей зат1 авач, кында нини ава, йыгъзи ина вири экъвезвейза, вун къаз канз.
Гьардаз вич авачей чка аяр акваза, са ви хьтин къван хьанейт1а зыни гьанихъ хъфизей. Ина къуцумир, хъвач".
Пашман хьана хьана кок вичи вич кирвигъ изейвал хьана...
Кирвигъ инсанрин жуьре ваъ, кукраз вичика фазамаз чепеликь хьана канзвей.
Идах к1уьлиз папан патаг хъфизей чин амачир.
Яна ида хшрыв, элкъуьрна вичелай кирвигъ хьана.
И береза им авей бахчазин эесзих магьманар эвей.
Гьанал бахчаза кцына сыфразал ширин затарал алаз са зынбыр элкъвезвей.
Эхир идан "бжжзззжж"-зин зегьле тухузей сес хьейла эес дили хьана къына анал элей пекенал яг'ана им акадарна са къвалах.
Зынбыр кич1ела вич вут1 физват1ани такваз гылыкьна кирвигъ хьанвей кукрах, амни галаз лыв гана фена са къадар цивиз.
Рекьиз гьазыр хьанвей кок ахварай аватна вич цеве аваз акурла хвеши хьана, вичика чепеликь хей хьти хьана.
Ахпа идаз зынбыр акуна, кукран хшрывза арыш хьана физвей.
Шки хшрывзивай хуь тахьана фена кок чилел:
"Ма гьиля рекьизейза зын".
Гена аяр хьана к1иник келемзин пеш квей, абрал аватна, кукран бахтынай.
Фаз фаз туьна ида пеш, мадни т1уьна, паб идан ст1ын рик1елни хтанач. Ман чизач кукран папах вуч хьанат1а къуьнзин к1иник квей.
Кукра вичи хъсан туьна, вич куькарна, чепеликь жез гьазыр хьана. Вичик сицини кицягь тийизей са чказа ацукьна мыс жезат1а луз.
Са вацралай хьти ина еке лацы лывар квей, анрални ч1улав геляр элей са ч1егей чепеликь акъыжна.
Дамах гевей пара вичигни, спиляр ужариз, ахпа ичихна кьве лывни фена цивиз.
Бахтлы хьана эхир ин кокдаказ амачир чепеликь. Арабир фикирзиз пабни къвезвей къуьнзин к1иник вичи тыр, ят1ани хвеш пара ей.
"Суьтени-суьте за фена ин шарциз вушзат1а" -
бегьем къаст ийизей жуьре фена адан патаг чепеликь.
И шар авей фырын патаг жутар эч1ийнвей. Шарни гьана ктканвей хвешила вичиз.
Чепеликь дамах гваз патаг гевей цуьквезал ацукьна.
Ида са шимидим вичи вичикзи шарциз лугьуза лана гафар гьазырнвей.
Са шимидим вичин фикирза ин ара фик1 жезат1а кьиле къаланвей.
- "Ин дуьнья чавдаран чарх я, шар. Ваз вун гьамиша ванал жезей хьти йейни.
Гьиля вун жутарик ква, зын алазва цуьквезал, вун авазва пыкъаза".
Шар иних-аних килигна, цзына:
- Вун заг рахазван?
- А, бес нег рахаза. Ваз зын чир хьаначни? Зын келемзин кок йей, ваз ула-кьиле авачир.
- Яяя?? Вака хьанан чепеликь? Мбарак хьый, аферин.
Паб т1ая ви?
- Паб кьена, нуч1 лузей хейратзи т1уьна ам, - тапарарна чепеликьзи.
Ма ихьтин араза идавай вичи паб акадарнвейз хиве къа хьанач.
- А, канда кар хьана. Зыни ина ама ин фыра, гьа ваз акур жуьре. Вун хъвач ина, ина вун акваза эесриз, абриз киниз тыш зиян гузей гьашаратар.
- Вуна заз гьамиша хъвач лугьуз, ина акъудзвей, гьиля за вавай цзазвач, зын фина къуцазат1а.
Фырс гевей чепеликьзиз хъхьейзи эесзин папан са ц1ир я:
- Гьииииии, ин алчахар аку иныз атанвей, келемар незейбыр! Квахь ина, кимиз чун йей ина!!!
Яна гъилиг чепеликь чилел вена, адан чуьгъвена авей вечрени тядиз к1ыф хъяна хт1уьна чепеликь.
Папан къылых гелей эесзин рыша гьар яна ишена:
- Вуна вучиз ам кьена ааа??!
Ам ч1егейзей хьи, са школейз тухузей ами, къуру авунааааааа... Ааааа!
- Ааа техьейт1ани, зы рик1елай фена, ваз гаваш ланвей хьи.
Къос, белки мад гакьаза, ишимир.
Шар вичива жири жуьре фаз-фаз чилиз гьахь хъуна, чин хьана.
Эесзин папа келемар тыгазвей, рыша цуькер к1ватзвей, вечрени жутар чалзвей, рагъни дагъзих хъфизвей.
Гьабырни амаз зыни хтана.