Цæгат Ирыстоны хицауады сæрдары хæстæ рæстæгмæ æххæстгæнæг Тускъаты Таймураз йæ куысты бынат ныууадздзæн. Уый тыххæй фехъусын кодтой хицауады æмбырды. Республикæйы сæргълæууæг Сергей Меняйло премьерæн бузныг загъта йæ æнтыстджын архайды тыххæй.
Уымæй уæлдай йæ схорзæхджын кодта Цæгат Ирыстоны намысы майданæй. Сергей Меняйлойы ныхæстæм гæсгæ Тускъаты Таймураз йæ размæ æвæрд фарстатæ æххæст кодта бæстонæй, æмæ зæрдæ дары дарддæр дæр æнтыстджын кæй уыдзæн, ууыл.