Лауреат Международной общественной премии имени Мажита Гафури за 2020 год Магомет Гекки
Мажит Гафури
Къарачай-Малкъар тилге Магомет ГЕККИ кёчюргенди.
ИМАМ ШАМИЛ
ШЫЙЫХ ШАМИЛНИ СУРАТЫН КЁРГЕНДЕ
Кёлюмю толтурду келбетли суратынг,
Жюрегим да тепди, тепсегенча атынг.
Умметинг ёмюрде унутмаз атынгы –
Атынгы жазаргъа аямаз алтынны.
Кавказны къоруулай жутдакай орусдан,
Къылычны сызгъырта, жылланы оздурдунг.
«Кишилик» – дегенни тауруху-жомагъы –
Сен болгъанса душман патчахны къонагъы.
1908
ТАТАР БАЙРАКЪ
Тёрт жюз жыл! Тёрт жюз…
Эшик артында
Тургъан татарлы
Минди атына.
Тёрт жюз жыл! Тёрт жюз…
Тутмакъда тургъан
Татарны эси –
Жангыдан туугъан.
Тёрт жюз жыл! Тёрт жюз…
Неле кёрмедик?
Тёздюк, чыдадыкъ,
Саубуз – ёлмедик!..
Тёрт жюз жыл! Тёрт жюз…
Сынды кёлюбюбюз;
Умут юзюлмез –
Сынмаз тёлюбюз.
Тёрт жюз жыл! Тёрт жюз…
Темир кюбюрде
Сакъланды байракъ –
Халкъны кёлюнде.
Тёрт жюз жыл! Тёрт жюз…
Сакълап бегиген
Таймаз ёмюрде
Татар элинден!
Тёрт жюз жыл тёзген –
Энди тёш ашар!
Кёп байракъла бла
Тенгликде жашар.
1917 жыл
КЪЫЗЫЛ БАЙРАКЪ
Къарачы алгъа!..
Кёрдюнгмю анда
Къызыл байракъны:
Боялып къаннга.
Сый берип анга –
Тутдула аны,
Къызылгъа бояй
Шахидле къаны.
Тенглик бла тюзлюк,
Жолну да тюзю –
Айбат ниети
Ажашмаз тюзде.
Байракъда кертилик –
Бийик кётюрюп
Сиратны ётер
Ол къыл кёпюрюн.
Байракъны кючю
Халкъыма кёче,
Жарытыр жолну
Къарангы кече.
Къан жугъу байракъ, –
Жюрекге байлау, –
Ёшюн ургъанда –
Сынсырла байла.
Къачханны – къууду,
Тутханны – бууду,
Къызыл байракъгъа
Келгенде къуугъун!
Къара ниетни,
Осал адетни
Юздю тамырын –
Аламат этди!
Ма энди билдик:
Халкъына – билек;
Битеу дуньягъа
Этеди бийлик.
Сый-ыспас алгъан,
Бараса алгъа,
Къып-Къызыл байракъ!
Алгъадан алгъа!!
1917 жыл
https://www.smikbr.ru/node/527