Хайи чилихъ галамаз вил
Зун шегьердиз хтана,
Ана хьайи вахт тир т1имил
К1валахлай "хъша" лагьана
И шегьер заз хьанва яргъаз,
Вил акъатиз ватандихъ
Гьикьван жегьил ава пата
Далу гуз к1анз гъурбатдихъ.
Сагъ хъийида хайи чили
Рик1ин хиял-дердерар,
Дарман жеда гьава михьи
Хам хкида хирерал.
Галукьда яд - хъуьтуьл жеда
Акъваз гъурбат хирен иви!
Ви крар мадни вилик фида
Ватандин гъил яхъ на к1евиз.
Рик1 гьанамаз хтана руш
Рик1 дагълара ацукьна,
Келле гила хьанва буш
Вил рекьи тухуз амукьна....