Жегьилбуруз лугьуда
Ата-бубайри дунья акур
Рекье-хула къалурда
Гьихьтинд ят1а галай хъутур
Намуссуз кас тахьуй юлдаш
Герек авач мискьи алчах
Ацукь мийир патав, к1амаш
Жеда зи крар ахпа къабах
Къвемир инихъ кимид, арсуз
К1андач фурсар гвайбур цавуз
Фирай абур завай яргъаз
Рахамир зав, кхьихь кагъаз
Шумуд инсан ава вахъ, дуст
Ачухдай ви рик1ни гуьгьуьл?
Ахьтин кас къведат1а мус
Гуьзлемишмир-къекъуьгъ жув.
Гьик1 ят1ани лагьайт1а
Хъсан инсанар гзаф ава
Вичин хъсанвал гьим ят1а
Сифтедай гьам чир ая
Гьалт авурай кьадайбур
Дуьз инсанрин шарагар
Къенез ракъур жедайбур
Це зав рик1ин куьлегар.