Իրանի ԱԳՆ-ն մեկնաբանել է Գորիս-Կապան ճանապարհին իրանցի վարորդների ձերբակալումը: Ինչպես հաղորդում Է IRNA -ն, Իրանի ԱԳՆ ներկայացուցիչ Սայիդ Խաթիբզադեն հայտարարել է, որ Թեհրանը հետևել է այդ խնդրին և պահանջել է անհապաղ ազատ արձակել վարորդներին: Նշվում է, որ եղել է պաշտոնատար անձանց հանդիպումների պահանջ՝ խնդրի լուծման համար: Իրանը Հայաստանին կապող ավտոմայրուղու շուրջ ստեղծված իրավիճակի վերաբերյալ իր մեկնականաբության մեջ Խաթիբզադեն ընդգծել է հարեւան երկրների տարածքային ամբողջականության գերակայության վերաբերյալ Իրանի քաղաքականության մասին: Նա նաև հայտարարել է, որ Իրանը հարևանների նկատմամբ փորձում է հավասարակշռված օգտագործել իր հնարավորությունները: Հիշեցնենք, որ Գորիս-Կապան ճանապարհահատվածի Որոտան–Շուռնուխ միջակայքում իրավիճակը շարունակում է լարված մնալ։ Ադրբեջանն այդտեղ ոստիկանական ու մաքսային կետեր է տեղադրել: Իրանից եկող բեռնատարներից Ադրբեջանը մաքսատուրք է գանձում։ Ձերբակալվել է իրանցի երկու վարորդներ: Հիշեցնենք նաև, որ ըստ ՀՀ ԱԱԾ հաղորդագրության, Կոտայքի մարզի Քասախ համայնքի երկու բնակիչներ Գորիս-Որոտան ճանապարհահատվածով երթևեկելիս շեղվել են մայրուղուց և հայտնվել են Ադրբեջանի վերահսկողության տակ գտնվող տարածքում:
Լրացուցիչ տեղեկությունների համար այցելեք կայք
Հայաստանի նորությունները Telegram-ում
#Իրանի #ԱԳՆ #Գորիս-Կապան