Ամերիկացի կոնգրեսականներ Բրեդ Շերմանի, Ֆրենկ Փալոնեի և Ջեքի Սփեյերի ներկայացուցիչներն ազգային պաշտպանության ոլորտում լիազորությունների մասին օրենքում փոփոխություններ են առաջարկել, որոնք ուղղված են պատասխանատվության բարձրացմանը: Այս մասին հաղորդում է Ամերիկայի Հայ դատի հանձնախումբը (ANCA): Աղբյուրը նշում է, որ ԱՄՆ Կոնգրեսի երեք բարձրաստիճան ներկայացուցիչներ փոփոխություններ են կատարել ազգային պաշտպանության ոլորտում լիազորությունների մասին օրենքում, որոնցով 2022 ֆինանսական տարում զրոյացնում են Ադրբեջանին տրամադրվող ռազմական օգնությունը: «Մենք շնորհակալություն ենք հայտնում Շերմանի, Սփեյերի և Փալոնեի ներկայացուցիչներին այն բանի համար, որ նրանք Կոնգրեսում իրենց գործընկերներին հնարավորություն են տվել քվեարկել նավթով հարուստ Ադրբեջանին օգնության զրոյացման օգտին»,-ասել է ANCA-ի գործադիր տնօրեն Արամ Համբարյանը: Նա կաևորել է Արցախի ավելի քան 100 հազար բնիկ բնակչության էթնիկ զտման և հայկական տարածքի մի մասի շարունակվող օկուպացիայի ֆոնին Ադրբեջանին դաժան հակահայկական ագրեսիայի համար պատասխանատվության ենթարկելու անհրաժեշտությունը։ Սեպտեմբերի 20-ին ԱՄՆ Կոնգրեսի ներքին կանոնների հանձնաժողովը կհավաքվի, որպեսզի որոշի, թե ինչ փոփոխություններ են քննարկվելու և ինչ կարգով, ինչը ճանապարհ կբացի ամերիկացի օրենսդիրների կողմից փաստաթղթի ամբողջական ընդունման համար։
Լրացուցիչ տեղեկությունների համար այցելեք կայք
Հայաստանի նորությունները Telegram-ում
#ԱՄՆ
#Կոնգրեսականներ