Uyingizdagi gilam iloji boricha uzoq vaqt toza saqlanishini istasangiz, quyidagilarni yodda tuting. Shunda siz kimyoviy tozalashga ketadigan mo`may pulni tejaysiz va to`shamangiz sizga hali ko`p xizmat qiladi.
1
E’tibor berganmisiz, bora-bora gilamni tozalash qiyinroq kechadi. Avvalgidek zo`r berib tozalasangiz ham, barcha harakatlaringiz kutilgan natijani bermagandek. Gap shundaki, har qanday pat vaqt o`tib bosilib, cho`kadi. Oqibatda, orasida qolib ketgan chang va kirni changyutgich yoki supurgi olib tashlayolmaydi.
Buning oldini olish uchun, mutaxassislar hech bo`lmaganda har oy bir marta shchyotka bilan gilam patlarini tarash kerakligini maslahat qilishadi. Juda “o`jar” patlarni esa bir bo`lak muz bilan to`g`irlash mumkin. Uni o`sha joyga qo`yib, biroz erishini kuting va undan so`ng quruting. Bunday muolajadan so`ng patni hatto (endi foydlanilmaydigan) tish schyotkasi bilan to`g`irlasa bo`ladi.
2
Xayol surib yoki nimadirga chalg`ib gilamga choyni yoki qahvani to`kib yuborish hollari ko`p uchraydi. To`kilgan ichimlik, xuddi atayin qilgandek, odatdagidan tezroq to`shamada yoyiladi. Bunday paytda “oh-voh” qilmay, yashin tezligida darhol ustiga sochiq bosing. Gilam shimib olishga ulgurmasin-da!
Kechikkan bo`lsangiz, tezda quyidagi aralashmani tayyorlang: oyna tozalovchi suyuqlikni undan ikki baravar ko`p miqdordagi suvga aralashtirib, patlarni tozalang. Shuningdek, soda, kosa-tovoq yuvish uchun gel sirka aralashmasidan ham foydalanishingiz mumkin.
Eslatma: qosh qo`yaman deb, ko`z chiqarmaslik uchun, avvaliga aralashmani gilamning uncha ko`rinmaydigan qismida sinab ko`ring.
3
Gilamni maxsus kimyoviy vositalar bilan tozalashdan ko`ra, uydagi bor narsalar yordamida tozalashdan ko`ra ancha kamchiqim, albatta. Biroq ularni ishlatishdan avval, quyidagilarni e’tiborga olish lozim.
Navshandil spirti yoki sirkaning o`tkir va badbo`y hidini yo`q qilish uchun, xonanini uzoq muddat shamollatish kerak bo`ladi.
Juda kir gilamni tozalashda soda yordam bermasligi mumkin.
Kraxmal esa to`q rangdagi to`shamani tozalashda pand beradi va unga hatto zarar yetkazishi mumkin.
Kerosin va benzinni iloji boricha hech qachon ishlatmaslik kerak. Biroq “xo`jayiningiz” uyga undan boshqa hech nima olib kelmasa, kimyoviy tozalash uchun pul bo`lmasa, uni to`shamaning ko`zga tashlanmaydigan joyida sinab ko`ring. Bundan tashqari, ulardan foydalangandan so`ng hididan ancha vaqt qutulolmasligingiz mumkin.
4
Agar gilam qo`llanmasida taqiqlanmagan bo`lsa, kichik gilamchalarni kir yuvish mashinasida ham tozalab olishingiz mumkin. Bunday kichik to`shamalar har bir uyda, yo vanna xonasida, yo kirishda, yo balkonda albatta bor. Asosiysi, uni sovuq yoki illiq suvda yuving. Kuchli kimyoviy vositalardan (otbelivateldan) foydalanmaganingiz ma’qul. Quritayotganda soya joyga to`shang.
5
Uy yumushlarini osonlashtiray desangiz, gilam xarid qilayotganda to`g`ri tanlov qiling – sintetik tolalardan to`qilgan to`shamalarni tanlang. Sun’iy iplardan tayyorlangan yotoqxona, oshxona, bolalar xonasi, mehmonxona va hatto balkon uchun gilam xarid qilish ayni muddao.
www.sag.uz - twitter - you tube - tik tok - pinterest - instagram - facebook - vk