Gilamni avtoyuvish shahobchasiga eltib berganda, o`zingizga muammo orttirishingiz mumkin. Shuning uchun, mutaxassislarimiz yetti o`lchab, bir kesishni maslahat beradi. Chunki u yerdagi xodimlar bunday to`shamalarni to`g`ri tozalash haqida hech nima bilmasligi ehtimoli yuqori.
O`zingiz bir o`ylab ko`ring, yuvilganidan so`ng yo`l chetida quritilgan gilam toza bo`lishi mumkinmi? Axir, to`shama o`ziga qancha chang, mashinalarning zaharli gazlari va boshqalarni singdirib oladi. Qolaversa, na’m material tutunni o`ziga tortishi haqida bilsangiz ham kerak. Uyingizda allergiyasi borlar bo`lsa, bu bilan siz ularga xavfli muhit yaratib bergan bo`lasiz.
Bundan tashqari, gilamni ilib quritish kerak emas, sababi ular cho`zilishi va shaklini yo`qotishi mumkin. Shuningdek, ularni quyoshda qoldirish noto`g`ri. Chunki to`shamalarning rangi uchadi. Eng yaxshi usul – gilamni soya joyda yoki maxsus uskunalar yordamida quritishdir.
Ayniqsa salqin-sovuq kunlarda to`shamani avtoyuvish shahobchasiga ishonib topshirib bo`lmaydi. Chunki u yerda gilam tez qurimaydi va hidlanib qolishi mumkin. Tabiiy tolalardan to`qilgan bo`lsa, hatto chirishni boshlashi mumkin.
Mutaxassislarning aytishicha, tabiiy gilamlarni faqatgina o`z ishini yaxshi biladigan kimyoviy tozalash shahobchalariga olib boring. Ularning ta’kidlashicha, avtoyuvish shahobchasida to`shamaga zarar yetkazish ehtimoli 95 foizni tashkil etadi. Aralash, ya’ni sun’iy va tabiiy tolalardan to`qilgan gilamlarga lat yetkazilishi ehtimoli esa 40 foizni tashkil etadi.
Yuqori bosimdagi suv bilan gilamga ishlov berilganda uning tolalariga jiddiy zarar yetkazish mumkin. Ayniqsa, agar ular eshilgan iplar (HeatSet, Friese) dan to`qilgan va uzun patli bo`lsa, to`shamaning patlari asl ko`rinishini yo`qotadi.
Yuvishda ular foydalanadigan kimyoviy vositalarga keladigan bo`lsak, avtoyuvish shahobchasi xodimlari gilamingizga qaysi biri to`g`ri kelarkan deb izlanishadi, deb o`ylaysizmi? Bunisi amrimahol. Shuning uchun oshxona, yotoqxona yoki mehmonxona gilami kir bo`ldimi, yaxshisi, mutaxassislarga murojaat qiling. Oxir-oqibat arzon tushadi.
www.sag.uz - twitter - you tube - tik tok - pinterest - instagram - facebook - vk