Цæгат Ирыстоны районты райдайдзысты кусын диспансеризаци æмæ вакцинацийы мобилон къордтæ. Уый тыххæй фехъусын кодтой аппаратон æмбырды. Амыдта йæ Сергей Меняйло. Республикæйы æнæниздзинад хъахъхъæнады министры хæстæ рæстæгмæ æххæстгæнæг Тебиаты Сослан куыд радзырдта, афтæмæй тагъд медицинон æххуысы кусджытæн ратдзысты сæрмагонд уæлæдарæс. Мин комплектæй фылдæр.
Æрныхас кодтой эпидемиологон уавæрыл дæр. Регионы разамонæг куыд фæбæрæг кодта, афтæмæй низы ныхмæ мадзæлттæ хъæуы æххæст кæнын, цалынмæ уавæр нæ фæхуыздæр уа, уæдмæ. Ахсджиаг фарстаты ‘хсæн – медицинон туаггуыр. Республикæйы рынчындæттæм æй æнæ къуылымпыйæ ласынц.
Æмбырды ма уæлдай æргом аздæхтой Сергей Меняйло æмæ Уæрæсейы президент Владимир Путины фембæлды хатдзæгтæм. Ныридæгæн бацæттæ кодтой 9 фæдзæхсты. Сергей Меняйло бабар кодта фарстатыл бакусын бæстондæрæй.