«Россети Цæгат Кавказ» кусы электрон тыхы лæггæдтæн фидыны дисциплинæйыл Цæгат Ирыстоны. Авд мæймæ электрон тыхæн чи бафыста, уыдоны процент схызт 93-мæ. Фаронимæ абаргæйæ, уыцы бæрæггæнæн фæхуыздæр 18%. Бирæфатерон хæдзæртты лæггæдтæ æххæстгæнæг компаниты хæс 800 милуан сомæй уæлæмæ ахызт.
Хæдзары электрон тыхы иумæйаг хæрдзтæн фиддон дæр æнæмæнг домæн у се ‘ппæт цæрджытæн дæр. Афоныл чи нæ фиды, уыдоны электрон тыхæй рæстæгмæ алыг кæныны бар ис, цалынмæ сæ хæстæ нæ бафидой, уæдмæ. Йæ къух кæмæн амоны, уыцы фæлхасгæнджытæн ис сæ хæс реструктуризаци скæныны фадат. Уый тыххæй хъæуы сæрмагонд бадзырд бафыссын.