Հայաստանում մեկնարկում են պահեստազորայինների հավաքներ

ՀՀ-ում նախատեսվում են 2169 մարդու մասնակցությամբ պահեստազորայինների հավաք անցկացնել։ Կառավարության համապատասխան որոշման նախագիծը հրապարակվել է e-draft.am-ում։ Առաջին խմբի պահեստայինների վարժական հավաքների անցկացումը նախատեսվում է 3 ամիս ժամկետով՝ օգոստոսի 25 – ից նոյեմբերի 25-ը: Հավաքին կմասնակցի 2169 պահեստազորային, որից 1164 շարքային, 254 ենթասպա, 751 սպա:

Հավաքին կմասնակցեն մոտոհրաձգային, հրթիռահրետանային, հետախուզական, ինժեներական մասնագիտություններ ունեցող պահեստազորայինները, ինչպես նաև կապավորները: Հավաքների անցկացումն ապահովելու համար նախատեսվում է 3 ամսով մինչեւ 110 տրանսպորտային միջոց ներգրավել ռազմատրանսպորտային պարտավորություններ ունեցող մարմիններից:

Նախագծի համաձայն՝ հավաքների նպատակն է ռազմական հմտությունների պահեստազորայինների կատարելագործումն ու վերապատրաստումը, նրանց ներգրավումը և դրանց անհրաժեշտության դեպքում համապատասխան կնքված պայմանագրերով է մարտական հերթապահության ներգրավելու։ Հիշեցնենք, որ մեկ այլ նախագծի համաձայն՝ ս.թ. սեպտեմբերի 15-ից մինչեւ դեկտեմբերի 15-ն ընկած ժամանակահատվածում նախատեսվում է անցկացնել նաև եռամսյա հավաքներ, որոնց կներգրավվեն Առաջին խմբի շարքայիններ, ենթասպաներ եւ սպաներ: Ընդհանուր առմամբ հավաքին կներգրավվեն 869 պահեստազորայիններ, որոնցից 576 – ը՝ շարքային, 107 – ը՝ ենթասպաներ և 186 սպա:

#պահեստազորային հավաքներ #հհ պն