Այս տարի Վրաստան կատարած ուղեւորությունների թվով Հայաստանի քաղաքացիները երրորդն են: Այս մասին հայտնում է TACC-ը` վկայակոչելով Վրաստանի զբոսաշրջության ազգային վարչության օգոստոսի 10-ին հրապարակված վիճակագրությունը: Աղբյուրը նշում է, որ ՀՀ քաղաքացիներն իրականացրել են 67 հազար այցելություն, ինչը 69,1%-ով պակաս է նախորդ տարվա ցուցանիշներից: Թուրքիան առաջին տեղում է, սակայն կա նաև զբոսաշրջային հոսքի նվազում. այս երկրի քաղաքացիները տարեսկզբից ավելի քան 158 հազար ուղևորություն են կատարել Վրաստան, ինչը 35,2%-ով պակաս է 2020 թվականի յոթ ամսվա ցուցանիշից: Ռուսաստանի քաղաքացիներն այս տարվա հուլիսին ավելի քան 25 հազար ուղևորություն են կատարել Վրաստան, ինչը վեց անգամ ավելի է 2020 թվականի նույն ժամանակահատվածի համեմատ, երբ իրականացվել էր ավելի քան 4 հազար ուղևորություն: Այնուամենայնիվ, ընդհանուր առմամբ, զբոսաշրջային հոսքը դեռ չի վերականգնվել. յոթ ամսվա ընթացքում Ռուսաստանից Վրաստան ուղևորությունների թիվը կազմել է ընդամենը մոտ 69 հազար, ինչը 63,2%-ով պակաս է նախորդ տարվա ցուցանիշներից: Ռուսաստանը երկրորդ տեղն է զբաղեցնում այն երկրների շարքում, որտեղից մարդիկ առավել հաճախ գալիս են Վրաստան: Կորոնավիրուսային համաճարակի պատճառով Վրաստանը փակել էր բոլոր երկրների հետ թռիչքները 2020 թվականի փետրվարից մինչև 2021 թվականի փետրվարը: Այս տարվա փետրվարի 1-ից երկիրը վերականգնել է կանոնավոր չվերթները բոլոր ուղղություններով, իսկ հունիսի 1-ից բացել է ցամաքային սահմանները: Յուրաքանչյուր ոք, ով ավարտել է պատվաստման ամբողջական կուրսը, ընդունվում է հանրապետություն: Բացի այդ, Հայաստանի, Ադրբեջանի, Բահրեյնի, Բելառուսի, Իսրայելի, ԱՄԷ-ի, Ռուսաստանի, Սաուդյան Արաբիայի, ԱՄՆ-ի, Թուրքիայի, Ուկրաինայի, Շվեյցարիայի, ԵՄ երկրների քաղաքացիները, ինչպես նաև Կենտրոնական Ասիայի պետությունների քաղաքացիները կարող են Վրաստան մուտք գործել կորոնավիրուսի թեստի բացասական վկայականով:
Լրացուցիչ տեղեկությունների համար այցելեք կայք