Нацпроекттæ æмæ паддзахадон программæтæ республикæйы куыд æххæстгонд цæуынц, ууыл æрныхас кодтой регионы хицауады уæнгтæ æмæ районты администрациты сæргълæуджытæ сæрмагонд æмбырды. Сæрдариуæг дзы кодта Тускъаты Таймураз. Ныхас цыд скъолатæ, рæвдауæндæттæ, поликлиникæтæ, фелсырон-акушерон пункттæ æмæ культурæйы хæдзæрттæ аразгæйæ æмæ цалцæг кæнгæйæ цы райхалинаг фарстатæ сæвзæры, уыдоныл.
Горæтгæрон районы кæронмæ фæхæццæ кæны Михайловскæйы скъолайы цалцæг. Фæткæй куыстытæ фæкъуылымпы сты. Тускъаты Таймураз бахæс кодта, 1 сентябрьмæ кусытытæ æнæмæнг баххæст кæнын. Рахизфарсы районы администрацийы размæ та сæвæрдта нысан – æрвылбон Ольгинскæйы культурæйы арæзтадмæ цæст дарын. Объект аразынц Владимир Путины уынаффæмæ гæсгæ. Алагиры районы нацпроекттыл куыст цæуы æнæ къуылымпытæй. Кировы районы та райдыдтой Елхоты дондзæуæн системæйы цалцæджы фыццаг къæпхæн. Æмгъуыдмæ раивтой уынгты рухсдæттæн системæ дæр.
Уыимæ ма, ныхас цыд медицинон къабазы фарстатыл. Профилон министр, Тебиаты Сослан куыд фехъусын кодта, афтæмæй буары низтæ дзæбæхгæнæн æмæ эндокринологон центры бындурыл сифтонг кæндзысты 30 реанимацион бынаты. Самал сын кæндзысты 30 улæфæн аппараты.