Октябры Цæгат Ирыстоны ацæудзæн Уæрæсейы Президенты цур хъазахъхъæгты хъуыддæгты фæдыл Советы къамисы æмбырд. Федералон æмвæзады мадзалмæ цæттæ кæныны фарстатыл Сергей Меняйло æрныхас кодта Цæгат Кавказы федералон зылды æххæстбарджын минæвары æххуысгæнæг Уæрæсейы президенты цур, Терчы æфсæддон хъазахъхъаг æхсæнады атаман Виталий Кузнецовимæ.
Регионы разамонæг фæнысан кодта, республикæйы хъазахъхъаг хъæздыг традицитæ кæй ис. Æмæ сæ дарддæр дæр афтæмæй кæй хæццæ кæндзыстæм. Фембæлды ныхас цыд хъазахъхъæгты паддзахадон службæ куыд цæуы, стæй фæсивæды æфсæддон æмæ патриотон хъомыладыл. Уыимæ ма, хъазахъхъæгты æхсæнады Уæрæсейы хъахъхъæнынады министрад æмæ Уæрæсейы гвардиимæ æмгуыстады фарстатыл. Виталий Кузнецов фидарæй загъта, Советы æмбырд бæрзонд æмвæзадыл кæй ацæудзæн, ууыл дызæрдыг кæй нæ кæны.
Ныртæккæ, Уæрæсейы субъектты нысангонд сты 3 мин æмæ æрдæг хъазахъхъаг æхсæнады. Æдæппæтæй Цæгат Ирыстоны хъазахъхъæгты нымæц у 2 мин 190. Сты алы нациты минæвæрттæ. Республикæйы хицауад стыр куыст кæны се ‘хсæн бастдзинæдтæ фидардæр кæнынæн. Регионы æхсæнадон æмæ политикон цардмæ сæ æмхиц кæнынæн.