Pedagoglar — ta'lim sohasining asosiy harakatlantiruvchi kuchi hisoblanadi. Kasbiy yuklamadan tashqari ular juda ko‘p miqdorda qo‘shimcha vazifalarni ham bajarishadi: sinf xonasini jihozlash, shanbaliklarni tashkillashtirish uchun javob berishadi, darslarni yaxshi o‘zlashtirmayotgan o‘quvchilarni nazorat ostiga olishadi, hamda shu bilan birga, yangi ma’lumotlarni o‘zlashtirishda bir-birlariga yordam berishga ham vaqt topishadi. Masalan, Toshkent shahridagi 158-sonli maktabda o‘qituvchilar ro‘yxatdan o‘tish bosqichlaridan birgalikda o‘tish, elektron pochta yaratish va Kundalik raqamli ta'lim platformasi bilan ishlashni o‘zlashtirish maqsadida o‘quvchilar va ota-onalar bilan birlashishdi. Shuningdek, mamlakatdagi boshqa ko‘plab maktablarda ham huddi shunday birlashgan holda ish yuritishyapti .
Butun dunyo karantinda bo‘lgan bir paytda, O‘zbekiston viloyatlaridagi o‘qituvchilar hamkasblari uchun onlayn mashg‘ulotlar tashkillashtirishyapti,, elektron jurnal bilan ishlashni birgalikda o’rganishmoqda . Biz ular bilan suhbatlashib, bu boradagi tajribalari bilan o‘rtoqlashishlarini iltimos qildik.
Jasurbek Maxmudov, Namangan viloyatining Chust tumanidagi 7-sonli Davlat ixtisoslashgan maktab-internatida matematika o‘qituvchisi, o‘qituvchilarga elektron jurnal bilan ishlash unga qanday yordam berayotgani haqida gapirib berdi:
«Texnologiyalar ta'lim jarayonini yanada qiziqarliroq va zamonaviyroq qilmoqda. Albatta, elektron tizim pedagoglar va ota-onalar uchun yangilik, ammo ular hammasini o‘zlashtirganlaridan so‘ng ushbu yangi imkoniyatlardan mamnun bo‘lishi shubhasiz. Maktabimizda elektron jurnalning joriy etilishi kutilmagan yangilik bo‘ldi, pedagoglar bu tizimda qanday ishlashni unchalik tushunmagandilar , o‘zimga ham administratorning vazifasi bir qarashda qiyindek tuyulgandi. . Ammo keyin Kundalik kompaniyasining metodistlari o‘tkazgan onlayn-mashg‘ulotlardan so‘ng platformaning ishlash tamoyilini tushundim, men o‘qituvchilarga yordam berishga, ularni dars rejalarini tuzish va import qilishni, chorakliklar va imtixon baholarini qo‘yishni, davomatni qayd etishni o‘rgatishga qaror qildim. Shuningdek, Telegram messenjeridagi maktablar administratorlari guruhida kimda tizimga doir savollar bo‘lsa, ularning hammasiga javob topishda yordam berishga harakat qilyapman. Administratorlik tajribamdan shuni aytishim mumkinki, Kundalik tizimi ta'lim sifatini oshiradi, avvallari qog‘oz jurnal bilan ishlashga sarflanadigan vaqtni tejaydi, o‘qituvchiga videodarslarni tayyorlashga yordam beradi, hamda o‘quvchilarning bilimlarini baholash tizimini shaffof qiladi», — deb tizim haqidaggi fikrini aytib o’tdi.
O'quv tarbiya-ishlar bo'yicha direktor o'rinbosari 39-umumiy o'rta ta'lim maktabi Ulug‘bek Ergashev barcha tuman maktablarining administratorlari uchun elektron jurnal bilan ishlashga bag‘ishlangan mashg‘ulotlarni o‘tkazib kelmoqda. Uning fikricha, o‘qituvchilar zamonaviy texnologiyalardan foydalanishi zarur, chunki bu O‘zbekistonda ta'lim darajasini oshirishga ko‘maklashadi.
«Elektron jurnallar va kundaliklar boshqa mamlakatlarda allaqachon o‘z samarasini ko‘rsatdi. Kundalik bizga ta'lim natijalari haqida shaffof va haqqoniy ma'lumotlarni beradi. Biz, o‘qituvchilar, O‘zbekistonda ta'lim jahon standartlari bo‘yicha rivojlanishi va unga muvofiq bo‘lishi uchun, birinchi navbatda, mana shu vositani o‘zlashtirishimiz kerak», — deya qayd etadi Ulug‘bek Ergashev.
Qashqadaryo viloyatida esa Kundalik administratori Qashqadaryo viloyatining Nishon tumanidagi 1-sonli maktabning AKT uchun mas'ul bo‘lgan informatika va matematika o‘qituvchisi Shams Turdiev o‘z tumanidagi ta'lim muassasalarida o‘qituvchilar uchun o‘rgatuvchi seminarlarni o‘tkazmoqda. Ularda o‘qituvchilar elektron jurnalni amalda va masofadan turib to‘ldirishni o‘rganishyapti.
«Maktabimizda elektron jurnal bilan ishlash uchun barcha sharoitlar yaratilgan. Darslardan bo‘sh vaqtda birgalikda yig‘ilib, Kundalik tizimining imkoniyatlarini amalda sinab ko‘ryapmiz. Axborot-kommunikasiya texnologiyalarini tushunish o‘qituvchiga, birinchi navbatda, darsni tashkillashtirishga va bilimlarni baholashga bo‘lgan yondashuvni o‘zgartirishga yordam beradi. Shuningdek ta'lim platformasi bizga o‘quv materialini xilma-hil qilishga, o‘quvchilarni motivasiyalashga ko‘maklashadi. Yangi bilimlarni turli formatlarda taqdim etish qobiliyati hozir, ya'ni biz kutilmaganda masofaviy ta'lim formatiga duch kelgan paytimizda, juda zarur», — deydi Shams G‘aybullaevich.
Bugungi kunda biz O‘zbekistonning turli hududlaridagi pedagoglar texnologiyalarni o‘zlashtirishda bir-biriga yordam berayotganini, ishga bo‘lgan odatiy yondashuvni o‘zgartirayotganini, o‘qitish taktikasini takomillashtirayotganini, maktab ta'limi natijalari zamon talablariga javob berishi uchun yangi narsalarni o‘rganayotganini ko‘ryapmiz. Ishga bo‘lgan bunday yondashuv e'tibor va tashakkurga sazovordir.
