Социалон нысаниуæг кæмæн ис, уыцы арæзтадон объектты куыст куыд цæуы, стæй дзы цавæр аиуварсæнинаг фарстатæ ис, ууыл ныхас цыд сæрмагонд æмбырды. Амыдта йæ Тускъаты Таймураз. Æмбырды архайдтой республикæйы арæзтад æмæ архитектурæйы министрады, æмæ бындурон цалцæджы управленийы минæвæрттæ, стæй арæзтадон организациты уæнгтæ. Объекттæй иуæй-иуты куыстытæ фæтагъддæр кодтой, цæмæй нысангонд рæстæгмæ фæуой.
Зæгъæм, Мæздæджы Уæлахизы парк кæм аразынц, уырдыгæй раластой 10 мин кубометры зæххы уæлцъар. Апырх дзы кæндзысты хуыр, уæдæ цæттæ кæнынц фæзуат бетон кæнынмæ дæр, куыд спортивон фæзæн бындур, афтæ. Сæ куыстытæ фæтагъддæр кодтой Æрыдоны спортивон комплексы арæзтадыл чи архайы, уыцы специалисттæ дæр. Бакуыстой ног инфекцион корпусы арæзтады цы аиуварсгæнинаг фарстатæ сæвзæрд, уыдоныл дæр.
Ныртæккæ республикæйы æнæниздзинад хъахъхъæныны министрадæй райстой амынддзинæдтæ. Æнтыстджынæй фæндаггон куыстытæ цæуынц Дыгургомы дæр. Иу къуыримæ ам 3 километры уаццагыл байтыдтой ног афасльт. Комы-Артмæ хиды куыстытæ уæвгæ дæр фесты. Республикæйы хицауады сæрдары хæстæ рæстæгмæ æххæстгæнæг Тускъаты Таймураз фæсидт арæзтадыл чи архайы, уыдонмæ се ‘ппæтмæ дæр, цæмæй сæ тыхтæ баиу кæной æмæ афтæмæй архайой.