Сергей Меняйло архайдта сæрмагонд æмбырды. Амыдта йæ Уæрæсейы Президенты æххæстбарджын минæвар Цæгат Кавказы федералон зылды Юрий Чайка. Хицауады уæнгтæ æрдзырдтой ахсджиаг фарстатыл.
Сæрмагондæй бынæттон хиуынаффæйады куысты хæрзхъæддзинад фæхуыздæр кæныныл, бархионты змæлды проектты æххæст кæнынадыл, уыимæ фæсивæды ‘хсæн граждайнаг хиæмбарынад гуырын кæныны мадзæлттыл. 2021 азы 1 июлæй Уæрæсейы райдыдта контролон-цæстдарæн архайды реформæ. Уый хорзырдæм хъуамæ сахада Цæгат Кавказы экономикæйы рæзтыл. 2020 азы Конституцимæ цы ивддзинæдтæ бахастой, уымæ гæсгæ бынæттон хиуынаффæйад æмæ хицауады уæнгтæн фæзынд æмархайды ног гæнæнтæ.
Бæрнон кусджытæ ма дзырдтой федералон центры проектты тыххæй. Арæзт сты адæмы царды уавæртæ фæхуыздæр кæнынæн. Бархионты змæлды архайдыл дзырдтой хицæнæй. Цæгат Кавказы федералон зылды бархионты нымæц у 400 мин адæймагæй фылдæр. Хъæуы сын аразын æмбæлгæ уавæртæ æмæ инфраструктурæ. Æртæ азмæ Цæгат Кавказы бархионты ресурсон центртæн радих кодтой 83 милуан сомы.
Æмбырды кæрон Юрий Чайка бабар кодта æнæниздзинад хъахъхъæнын модернизациммæ уæлдай æргом аздахын.