Գյուղի դիրքերում երեկ երեկոյան կրակոցներ են հնչել, բայց գյուղի ուղղությամբ կրակոցներ չեն հնչել։ Այս մասին Armenia Today-ի հետ զրույցում հայտնեց Գեղարքունիքի մարզի Կութ գյուղի վարչական ղեկավար Սիմա Չիտչյանը։
Նա հայտնեց, որ կրակոցները հնչել են երեկ երեկոյան՝ մոտավորապես ժամը 21։00-ից մինչև մոտ ժամը 00։30։
«Ընդմիջումներով կրակոցներ են հնչել։ Հիմա իրավիճակը հանգիստ է»,- ասաց նա։
Հիշեցնենք, որ վերջին շաբաթվա ընթացքում Ադրբեջանի ԶՈւ-երը պարբերաբար սադրանքների են դիմում հայ-ադրբեջանական սահմանային հատվածներում։ Հուլիսի 19-ի ուշ երեկոյան և 20-ի գիշերը, մինչև ժամը 02։00, ադրբեջանական զինված ուժերը շարունակել են հրաձգային զինատեսակներից, առանց ականանետերի կիրառման, գնդակոծել հայ-ադրբեջանական սահմանի Երասխի հատվածում տեղակայված հայկական դիրքերը: Մի քանի ժամ տևած ինտենսիվ փոխհրաձգության հետևանքով հայկական կողմից հրազենային վիրավորում է ստացել Երասխ համայնքի ղեկավար Ռադիկ Օղիկյանը։
Լրացուցիչ տեղեկությունների համար այցելեք կայք
Հայաստանի նորությունները Telegram-ում
#Կութ #սահմանային իրավիճակ #Սիմա Չիտչյան