ՀՀ էկոնոմիկայի փոխնախարարի տեղակալ Նարեկ Տերյանն անդրադարձել է համաշխարհային շուկայում պղնձի գների բարձրացմանը և Հայաստանում պղնձի ու մոլիբդենի խտանյութերի արտահանման համար սահմանված լիցենզիոն տուրքին:
«2020 թ. պղնձի միջազգային միջին գները եղել են մոտ 6000-6200 դոլար՝ տոննայի համար, 2021 թ. գինն աճել է մինչև 9000-9200 դոլար: Այսօրվա գինը 9400 դոլար է: Հանքարդյունաբերողները տարվա սկզբից ստանում են գերշահույթ. արտահանման լիցենզիոն տուրքը թույլ կտա արդար բաշխել գերշահույթի գումարները: Այսօրվա ռոյալթիի համակարգը թույլ չի տալիս անել դա, այդ իսկ պատճառով ոչ միայն տուրքն ենք ավելացնում, այլև վերանայում ենք ռոյալթիների համակարգը»,- ասաց Նարեկ Տերյանը։
Թեմային և ռոյալթիների կիրարկության միջազգային փորձին անդրադարձել են նաև տնտեսագետները:
Հիշեցնենք, որ Հայաստանում որոշում կայացվեց հումքի, մասնավորապես, ֆեռոմոլիբդենի, պղնձի և մոլիբդենի խտանյութի երրորդ երկրներ արտահանման լիցենզիաների, թույլտվությունների և սերտիֆիկատների տրման համար միջազգային տուրքի 15% պետական տուրք սահմանել՝ պայմանով, որ վերջինների համար միջազգային գները մնում են բարձր:
Հաշվի առնելով արտահանման ծավալների պահպանումը՝ պետական տուրքի առաջարկվող դրույքաչափերով, ընդհանուր առմամբ, տարեկան բյուջե եկամուտները կկազմեն շուրջ 72 միլիարդ դրամ: Աղբյուրի համաձայն՝ այդ փոփոխություններն իրականացվում են երկրի ընդերքի շահագործումից ստացված բարձր եկամուտները վերամշակող արդյունաբերության և լեռնահանքային ոլորտի ռազմավարական ակտիվների զարգացմանը, արտադրական շղթաների խորացմանը, հանքերի առավել արդյունավետ շահագործմանը խթանելու նպատակով:
Լրացուցիչ տեղեկությունների համար այցելեք կայք
Հայաստանի նորությունները Telegram-ում
#Էկոնոմիկայի նախարարություն #Նարեկ Տերյան