Ռուստամ Բադասյանը՝ ՊԵԿ նախագա՞հ․ մեկնաբանություն

Արդարադատության նախարարության տեղեկատվության և հասարակայնության հետ կապերի բաժնի պետ Լուսինե Մարտիրոսյանն Armenia Today-ի հետ զրույցում չմեկնաբանեց մամուլում շրջանառվող լուրը, ըստ որի՝ արդարադատության նախարարի պաշտոնակատար Ռուստամ Բադասյանը նշանակվելու է պետական եկամուտների կոմիտեի նախագահ։

Հավելենք, որ այս պահին Ռուստամ Բադասյանն արձակուրդում է գտնվում, իսկ մինչև նախարարի պաշտոնը զբաղեցնելը 24.05.2018-19.06.2019թթ․ նա եղել է ՀՀ պետական եկամուտների կոմիտեի նախագահի տեղակալը։

Հիշեցնենք, որ արդեն մի քանի օր է՝ լուրեր են շրջանառվում, որ ՊԵԿ նախագահ Էդվարդ Հովհաննիսյանն աշխատանքից ազատման դիմում է գրել։ Լուրը դեռ պաշտոնապես չի հաստատվել։

ՊԵԿ նախագահի մամուլի խոսնակն Armenia Today-ի հետ զրույցում հայտնել էր, որ Էդվարդ Հովհաննիսյանը կատարում է իր աշխատանքային պարտականությունները։

Լրացուցիչ տեղեկությունների համար այցելեք կայք

Հայաստանի նորությունները Telegram-ում

#Լուսինե Մարտիրոսյան #ՊԵԿ #Ռուստամ Բադասյան