Դատարանը մերժեց Մանվել Փարամազյանի պաշտպանների բողոքը

Վերաքննիչ քրեական դատարանի դատավոր Արմեն Դանիելյանը մերժեց Քաջարան համայնքի ղեկավար, «Հայաստան» դաշինքի պատգամավորի թեկնածու Մանվել Փարամազյանի պաշտպանների՝ դատարանի ինքնաբացարկ հայտնելու միջնորդությունը: Այս մասին Armenia Today-ին ասաց Մանվել Փարամազյանի փաստաբան Լուսինե Սահակյանը։

Հավելենք, որ Վերաքննիչ քրեական դատարանում՝ Արմեն Դանիելյանի նախագահությամբ, տեղի է ունեցել Քաջարանի քաղաքապետ Մանվել Փարամազյանին կալանավորելու որոշման դեմ բողոքի գործով առաջին դատական նիստը, որի ժամանակ պաշտպանները ինքնաբացարկի միջնորդություն են ներկայացրել։ Այս մասին լրագրողների հետ զրույցում հայտարարեց նրա պաշտպաններից Լուսինե Սահակյանը։

Նրա խոսքով՝ իրենք բարձրացրել են այն հարցը, թե ինչու է բողոքը մակագրվել հենց դատավոր Արմեն Դանիելյանին։

Ըստ փաստաբանի՝ բարձրացրած հարցադրումներով հասկացել են, որ իրականությանը համապատասխանում է լուրերն այն մասին, թե ԱԱԾ քննչական դեպարտամենտն առգրավել է համակարգիչներ, այդ թվում՝ այն համաիկարգիչը, որի միջոցով կատարվում են մակագրումները։

Հիշեցնենք, որ Մանվել Փարամազյանին մեղադրանք է առաջադրվել քրեական օրենսգրքի 38-178-րդ հոդվածի 3-րդ մասով (խարդախությունը), 311-րդ հոդվածի 4-րդ մասով (կաշառք ստանալը) և 154.2-րդ հոդվածի 2-րդ մասով (ընտրողի կամքի ազատ իրականացմանը խոչընդոտելը)։

Նա առաջադրված մեղադրանքը չի ընդունում։

Լրացուցիչ տեղեկությունների համար այցելեք կայք

Հայաստանի նորությունները Telegram-ում

#Լուսիեն Սահակյան #Մանվել Փարամազյան #Վերաքննիչ Քրեական Դատարան