Преподобный Сампсон родился в Риме в V в. в богатой и знатной семье; получил хорошее образование. Для того, чтобы безвозмездно помогать страждущим людям, изучил врачебное искусство. Сампсон в своем небольшом доме оказывал помощь странникам, нищим и больным, являя собой образец христианского милосердия, самоотверженной любви к людям. На помощь скорбящим и нуждающимся святой использовал свое имущество, опыт и знания. Удостоился дара чудотворения: он лечил больных не только как врач, но и как носитель благодати Божией – по его молитвам люди получали исцеление от Господа.
Преподобному Сампсону молятся об укреплении Православной веры, исцелении от различных болезней, о даровании терпения в недугах, милосердия к обездоленным, а также о здравии младенцев, помощи в родах, утешении болящих и заключенных и о многом другом.
Молитва первая
О, предстателю наш пред Господем и теплый молитвенниче, преподобне отче Сампсоне! Зриши с небесе, яко погибаем во обстояниих и скорбех: прилагается бо посреде нас неверие ко отступству и разделению, оскудевает любы, умножаются же беззакония и соблазны, болезни и скорби множества бездомных, гладных и сирых.
Откуду, отче, приимем силы, да устоим противу соблазнов мира, сохраним в сердцах наших любовь и веру Христову и упование православных и приложим попечение о больных и бедных, аще не ты заступиши нас твоим предстательством теплым, прося нам помощи от Бога в немощех наших? Сохрани убо молитвами твоими благомощие Христолюбиваго народа нашего, крепость страны Российския, мир и безмятежие Святыя Церкве, всех же нас огради и сохрани непоколебимы посреде неверных, поносящих веру нашу хулителей, огради от соблазнов, возбуди сердца имущих к милованию нищих, согреянию хладных, напитанию алчущих и призрению бездомных, утоли умножение скорбей и болезней, глада и прочих уязвляющих ны бед, даруй ослабу страждущим младенцам, ниспошли от Господа укрепление, утешение и отраду женам, в муках деторождения сущим, и всем, в тяжких работах, в больницах, заточениих и темницах унывающым, да вси прославим в Троице славимаго Бога Отца, и Сына, и Святаго Духа. Аминь.
Молитва вторая
О теплый молитвинниче, благостный отче, преподобне Сампсоне! Моли Бога о мне, грешнем, и низпосли от Всеблагаго Владыки помощь ми и избавление, привременна бо есть жизнь моя и исполнена труда, скорбей и болезней. Укрепи сердце мое, да возмогу понести тяготу мою, и не попусти, да превозмогут искушения многая, моя малыя силы, но споспешествуй мне заступлением твоим и посреде обстояний и бед управи путь мой в Царство Небесное, да славлю прославльшагося в тебе Господа во веки. Аминь.
