Առնվազն 48 լրագրող վիրավորվել է Թբիլիսիի ԼԳԲՏ համայնքի հակառակորդների գործողությունների հետևանքով. հաղորդում է ՏԱՍՍ-ը՝ հղում անելով mediachecker.ge վերլուծական լրատվական կայքին:
Նշվում է, որ ցուցարարների ագրեսիվ գործողությունները դատապարտել են մի շարք այլ հեռուստաընկերությունների ղեկավարներ, քաղաքական գործիչներ, այդ թվում ՝ խորհրդարանի խոսնակ Կախաբեր Կուչավան, իսկ Վրաստանի պատրիարքարանը կոչ է արել ցուցարարներին գործել միայն խաղաղ ճանապարհով:
Հուլիսի 5-ին Թբիլիսիում նախատեսվում էր երթ ՝ ի պաշտպանություն ԼԳԲՏ համայնքի ներկայացուցիչների իրավունքների: Ավանդական արժեքների հազարավոր կողմնակիցներ առավոտյան սկսել էին հավաքվել Ռուսթավելի պողոտայում ՝ կանխելու այս ակցիայի անցկացումը:
Գործակալության տվյալներով՝ ԼԳԲՏ անձանց ամենաագրեսիվ հակառակորդները փաստորեն հարձակվել են լրագրողների վրա ՝ մեղադրելով նրանց սեռական փոքրամասնությունների ներկայացուցիչներին աջակցելու մեջ: Ավելի ուշ ցուցարարները ներխուժել են ԼԳԲՏ անձանց իրավունքները պաշտպանող Tbilisi Pride կազմակերպության գրասենյակ:
Լրագրողների վրա հարձակման փաստի առթիվ ՆԳՆ-ն քրեական գործ է հարուցել «Լրագրողների մասնագիտական գործունեության անօրինական խոչընդոտում» և «Բռնություն» հոդվածներով:
Լրացուցիչ տեղեկությունների համար այցելեք կայք
Հայաստանի նորությունները Telegram-ում
#ԼԳՏԲ #Վրաստան #ցույց