Тускъаты Таймуразæн уыд социалон объектты арæзтады фæдыл æмбырд дзуапдæттæг кусджытимæ. Арахайдтой дзы куыстытæ æххæстгæнæг компаниты минæвæрттæ. Сæрмагондæй къуылымпыдзинæдтæ цы инфраструктурон объекттæ хæссынц, уыдонимæ. Арæзтад æмæ архитектурæйы министры хæстæ рæстæгмæ æххæстгæнæг Моргуаты Константин радзырдта арæзтадон мадзæлтты размæ лæуд цæлхдурты тыххæй.
Дзуапдæттæг министрады разамонæджы хъуыдымæ гæсгæ, кусджытæ фаг нæ кæнынц. Уый бæрæг у, алы къуыри цы инспекцитæ вæййы, уыдонæй дæр. Премьер фæсидт арæзтадон фарстатыл æмдых-æмгуыстæй архайын. Уый хауы бынæттон хицауад, дзуапдæттæг министрад æмæ арæзтадон организацитæм. Æдзæсгом куыстуæттимæ та хъæудзæн контракттæ фехалын. Арæзтадон куыстыты æмгъуыд хъуамæ уа рагацау бæрæг. Премьер-министр бабар кодта, куы бахъæуа, уæд дыууæ фæлтæры куысты фæткмæ рахизын.