Буары низты республикон диспансер фæнд кæнынц туаггуырæй æххæстгæнæн системæйæ сифтонг кæнын. Ныридæгæн ацы хъуыддаг фидаргонд æрцыд сæрмагонд проекты. Уый тыххæй фехъусын кодтой министртæ æмæ муниципалон разамонджытимæ æмбырды. Амыдта йæ Тускъаты Таймураз.
Æнæниздзинад хъахъхъæныны министры хæстæ рæстæгмæ æххæстгæнæг Тебиаты Сослан куыд загъта, афтæмæй диспансер цæттæ кæнынц ковидæй рынчынтæн, ныртæккæ уа у уæлæмхасæн. Хъæуы ма йæ кæронмæ сифтонг кæнын. Æмбырды ма ныхас цыд социалон объектты арæзтад, бындурон цалцæг æмæ рацарæзты ‘мгъуыдыл.
Тускъаты Таймураз куыд загъта, афтæмæй бынæттон разамынды сæйраг хæс у – куыстыты хъæрхъæддзинадмæ цæст дарын, стæй афойнадыл конд куыд æрцæуой, уымæ. Цалдæр объектмæ хъæуы лæмбынæгæй æркæсын, æмæ сæвзæрд фарстатæ æвæстиатæй алыг кæнын. Уымæ гæсгæ, Тускъаты Таймураз бабар кодта администрациты сæргълæуджытæн скæнын æмбырдтæ, национ проекттыл чи архайы, уыцы кусæг къордтæн. Цæмæй дзы архайой цæстдарæг оргæнты специалисттæ дæр.