Афæдзы райдианæй æгуыст адæмы нымæц Цæгат Ирыстоны 33% фæкъаддæр. Ног куысты бынæтты нылæууыдысты 13 мин адæймаджы, чысыл цухæй. Уый тыххæй фехъусын кодта куыстдæттыны комитеты сæрдар Платы Альбинæ. 2021 азы райдиан куыст агуырдтой 19 мин адæймаджы, фæлæ афæдзы ’рдæгмæ уавæр хуыздæрырдæм аивта.
Æппæты фылдæр æгуыстæй адæм уыдысты, пандемийæ тæккæ цырены куы бацыд, уæд. Афтæмæй, фарон сентябры куыстагурджыты нымæц уыд 27 мин адæймаджы. 1-æм июльмæ, Цæгат Ирыстоны цæрджыты `хсæн, æгуыст адæмы нымæц у 4,6%. Афæдз размæ дæр ма уыцы бæрæггæнæн уыд 8,8%.