Ադրբեջանի ՊՆ-ն ներկայացրել է 44-օրյա պատերազմում զոհված 2906 զինծառայողների վերաբերյալ տեղեկատվությունը, որում ներառված են նրանց լուսանկարները, անունների, ազգանունների, զինվորական կոչումների և ծննդյան տարեթվի մասին տվյալները։ Ներկայացվել են մինչև հունիսի 30-ը եղած տվյալները։ Ադրբեջանի պաշտպանական գերատեսչությունից հայտնում են անհետ կորած 8 զինծառայողների մասին։
«Հարկ է նշել, որ աշխատանքներ են տարվում անհետ կորած համարվող զինծառայողների որոնման եւ նույնականացման ուղղությամբ»,-նշվում է հաղորդագրության մեջ։
Հիշեցնենք, որ Ադրբեջանի զինված ուժերը սեպտեմբերի 27-ին ՝ ժամը 07:15-ին, ագրեսիա են ձեռնարկել Արցախի Հանրապետության դեմ: Արցախի զինված ուժերի մարտական դիրքերին, մշտական տեղակայման վայրերին և խաղաղ բնակավայրերին հարվածներ են հասցվել հրետանային համակարգերի և հարվածային անօդաչու թռչող սարքերի կիրառմամբ, որից հետո հակառակորդի մոտոհրաձգային և զրահատանկային ստորաբաժանումները հարձակման են անցել Հյուսիսային, Հարավային և հարավարևելյան ուղղություններով։ Նոյեմբերի 9-ին եռակողմ հայտարարություն է ստորագրվել։
րացուցիչ տեղեկությունների համար այցելեք կայք
Հայաստանի նորությունները Telegram-ում
#44-օրյա պատերազմ #Ադրբեջանի ՊՆ