#ИТСВ_жавоб_беради
Президент Фармони билан Ўзбекистонда «Инвестиция визаси» тушунчаси киритилган. Ҳужжат билан Ўзбекистонга ташриф буюраётган чет эл фуқароларининг алоҳида гуруҳлари учун кириш визаларининг тоифалари рўйхатига қўшимчалар киритилган.
Шунингдек, хорижий давлатлар фуқаролари, шу жумладан, республика ҳудудида товарлар ва хизматлар ишлаб чиқариш учун корхоналар ташкил этишга 3 миллион доллардан кам бўлмаган миқдорда маблағларни киритган хорижий инвестициялар иштирокидаги корхоналар муассислари (иштирокчилари)га, соддалаштирилган тартибда 10 йил муддатга Ўзбекистонда яшаш гувоҳномаси берилади.
❗️ Визанинг амал қилиш муддати уч йил.
Ўзбекистонда яшаш гувоҳномаси ёки «инвестиция визаси»га эга бўлган хорижий инвесторлар, шунингдек уларнинг оила аъзолари республика фуқаролари учун назарда тутилган тиббиёт ва таълим хизматлардан фойдаланиш ҳуқуқига эгадирлар.
«Investment visa» («Инвестиция визаси») — кўп марталик бўлади. Мазкур виза инвестиция киритиш вақтида Ўзбекистон Республикасида белгиланган базавий ҳисоблаш миқдорининг 8 500 бараваридан кам бўлмаган миқдорда хўжалик жамиятларининг акциялари ва улушларини сотиб олиш, шунингдек, хорижий инвестициялар иштирокида корхона ташкил этиш шаклида Ўзбекистон Республикасига инвестиция киритган хорижий фуқароларга, ушбу корхоналарнинг талабномаларига асосан республикадан чиқмасдан туриб узайтириш ҳуқуқи билан уч йилгача амал қиладиган муддатга расмийлаштирилади.
Бунда, инвесторнинг оила аъзолари (турмуш ўртоғи, ота-онаси ва фарзандлари)га «Investment visa» амал қилиш муддатига мос равишда меҳмон визаси республикадан чиқмасдан туриб узайтириш ҳуқуқи билан расмийлаштириб берилади».
Хорижий инвесторларни, улар томонидан чел эл фуқаролари орасидан жалб этиладиган мутахассисларни ва уларнинг оила аъзоларини ҳудудида инвестиция лойиҳаси амалга ошириладиган аҳоли пунктида вақтинча прописка қилинади.