Молитва ко Пресвятой Богородице перед иконой ЕЁ Казанской.
Помогает при многих болезнях, особенно при слепоте.
Молитва первая.
О Пресвятая Владычица Богородице, Царице Небеси и земли, высшая Ангел и Архангел и всея твари честнейшая, чистая Дево Марие, миру благая Помощнище, и всем людем утверждение, и во всяких нуждах избавление! Призри и ныне, Госпоже Всемилостливая, на рабы Твоя, Тебе умиленною душею и сокрушенным сердцем молящимся, со слезами к Тебе припадающие и покланающияся пречистому и цельбоносному образу Твоему, и помощи и заступлении Твоего просящия. О Всемилостливая и Премилосердная Дево Богородице Чистая! Воззри, Госпоже, на люди Твоя: мы бо грешнии не имамы иные помощи, разве Тебе и от Тебе рождшагося Хриса Бога нашего. Ты еси заступница и предстательница наша. Ты еси обидимым защищение, скорбящим радование, сирым прибежище, вдовам и вдовцам хранительница, девам слава, плачущим веселие, больным посещение, немощным исцеление, грешным спасение. Сего ради, о Богомати, к Тебе прибегаем, и на Твой Пречистый образ с Предвечным на руку Твоею держимым Младенцем, Господем нашим Иисусом Христом взирающе, умиленное пение Тебе приносим и вопием: помилуй нас, Мати Божия, и прошение наше исполни, вся бо суть возможна ходатайствуй Твоему: яко Тебе слава подобает ныне и присно и во веки веков. Аминь.
Продолжение следует.