Б. Абидов,
Ўзбекистон Республикаси инвестициялар ва ташқи савдо вазирнинг ўринбосари:
- Ўзбекистон иқтисодиёти рақобатбардошлиги ва экспорт салоҳиятини ошириш давлат сиёсатининг асосий йуналишларидан бири ҳисобланади. Ушбу мақсадларга эришиш халқаро иқтисодий ҳамкорликни кенгайтириш ва жаҳон бозорига интеграциялашув жараёнини жадаллаштиришни тақазо этади.
----
#Матбуот_анжуманидан_лавҳа
Б. Абидов,
Ўзбекистон Республикаси инвестициялар ва ташқи савдо вазирнинг ўринбосари:
- Европа Иттифоқи билан савдо-иқтисодий муносабатларни янада фаоллаштириш мақсадида олиб борилган музокараларнинг самарали натижаси сифатида жорий йилнинг 10 апрель кунидан бошлаб Ўзбекистон учун Европа Иттифоқининг барқарор ривожланиш ва самарали бошқарув бўйича махсус преференциялар тизими (GSP+) доирасидаги имтиёзлари жорий этилди.
Европа бозорига маҳаллий маҳсулотларни экспорт қилиш ҳамда мазкур тизим доирасидаги имтиёзлардан фойдаланишда ушбу маҳсулотларнинг Европа Иттифоқи томонидан ўрнатилган техник, санитар, фитосанитар талабларга ва стандартларга мувофиқлигини таъминлаш талаб этилади.
Шу муносабат билан, Европа Иттифоқининг мазкур талабларини ўрганган ҳолда ушбу соҳалардаги миллий қонунчиликдаги нормалар ва стандартларни улар билан мувофиқлаштириш ишлари олиб борилмоқда.
-----
Б. Абидов, Ўзбекистон Республикаси инвестициялар ва ташқи савдо вазирнинг ўринбосари:
Ҳозирги кунда, Европа Иттифоқида европа бозорига кириб келадиган 30 тадан ортиқ маҳсулот турларига нисбатан техник тартибга солиш ва товарларни маркировкалаш тартибларини кўзда тутувчи уйғунлашган стандартлар (директивалар) ишлаб чиқилиб, амалиётга жорий этилган.
-----
Б. Абидов,
Ўзбекистон Республикаси инвестициялар ва ташқи савдо вазирнинг ўринбосари:
- 2021 йил 1 сентябрдан айрим турдаги хавфлилик даражаси юқори бўлмаган маҳсулотларнинг мувофиқлигини баҳолаш мувофиқликни декларациялаш йўли билан амалга оширилади.
- 2021 йил 1 ноябрдан бошлаб хавфи юқори бўлган импорт маҳсулотларнинг мувофиқлигини тасдиқловчи ҳужжатларни божхона ҳудудига келишидан камида 15 кун олдин божхона электрон дастурига жойлаштириш тизимини жорий этиш;
- хавфлилик даражаси юқори бўлмаган маҳсулотларни Ўзбекистон Республикаси резиденти ҳисобланган аккредитация қилинган мувофиқликни баҳолаш органларида мувофиқлик сертификатини бир марта расмийлаштирган ҳолда 24 ой давомида айнан шу турдаги маҳсулотни бир ишлаб чиқарувчидан олиб киришга рухсат берилади.
Б. Абидов,
Ўзбекистон Республикаси инвестициялар ва ташқи савдо вазирнинг ўринбосари:
❗️ Ҳозирда импорт маҳсулотлар синови божхона расмийлаштируви жараёнида амалга оширилиб, бунга 60 кунгача сарфланмоқда. Эндиликда ушбу муддатни 1 кунгача қисқартириш имкони яратилади.