1нче марттан 30нчы апрельгә кадәр балалар өчен экологик рәсем республика конкурсы узды. Чара Татарстан Республикасында Туган телләр һәм халыклар бердәмлеге елына багышланган иде. Конкурс укучыларны патриотик тәрбияләү, экологик белемнәрне пропагандалау, экологик культура дәрәҗәсен күтәрү, экологик җаваплы гражданнар үстерү, иҗади сәләтләр формалаштыру һәм үз фикерләреңне рәсем аша дөрес һәм кызыклы итеп белдерү максатыннан үткәрелде.
Чараны Татарстан Республикасы Экология һәм табигать ресурслары министрлыгы оештырды.Әлеге конкурста 1 нче урынга “Хөснулла һәм Аллаһияр Валиуллиннар исемендәге Саба балалар сәнгать мәктәбе” рәсем бүлегенең 3 сыйныф укучысы Ганиева Зилә (укытучысы Галиева Эльвира Раеф кызы) лаек булды. Конкурста җиңүчегә истәлекле бүләкләр һәм диплом тапшырылды.