Միջազգային մի շարք սյուժեներով Մոսկվան Անկարայի հետ լուրջ տարաձայնություններ ունի, սակայն դա չի խանգարում Ռուսաստանին Թուրքիայի հետ ինտենսիվ քաղաքական երկխոսություն պահպանել եւ փոխշահավետ համագործակցություն զարգացնել ամենատարբեր ոլորտներում՝ էներգետիկայից մինչեւ զբոսաշրջություն: Այս մասին «Аргументы и Факты»-ին տված հարցազրույցում հայտարարել է Ռուսաստանի արտգործնախարար Սերգեյ Լավրովը։
«Չմոռանանք նաև, որ Թուրքիան, լինելով ՆԱՏՕ-ի երկիր, չնայած Վաշինգտոնի լուրջ ճնշումներին, ոչ միայն հետաքրքրվել է Ռուսաստանից առաջավոր ռազմական տեխնիկայի ձեռքբերմամբ, այլև արդեն իրականացրել է ժամանակակից Ս-400 «Տրիումֆ» ԶՀՀ-ների գնման խոշոր պայմանագիր: Այսպիսով, առկա տարաձայնությունները չխորացրած, Թուրքիայի հետ փոխգործակցության զարգացման դեպքում այսուհետ ևս առաջնորդվելու ենք մեր ունեցած ընդհանուր շահերի ռազմավարական տեսլականով։ Վստահ եմ, որ դա համապատասխանում է ինչպես ռուս, այնպես էլ թուրք ժողովուրդների ցանկություններին»- նշել է Լավրովը։
«Եթե խոսենք Ուկրաինայի մասին, ապա բոլոր մակարդակներում թուրք գործընկերներին խորհուրդ ենք տալիս մանրակրկիտ վերլուծել իրավիճակը և դադարեցնել Կիևի ռազմատենչ տրամադրությունները։ Հստակ է, որ Ղրիմի հարցով Ուկրաինայի ագրեսիան հավասարազոր է Ռուսաստանի տարածքային ամբողջականության դեմ ոտնձգությանը։ Հուսով ենք, որ Անկարայի գիծը կշտկվի՝ հաշվի առնելով մեր օրինական մտահոգությունները»,- հայտարարել է ՌԴ ԱԳ նախարարը։
Լրացուցիչ տեղեկությունների համար այցելեք կայք
Հայաստանի նորությունները Telegram-ում
#«Аргументы и Факты» #Հարցազրույց #ՌԴ ԱԳ նախարար #Սերգեյ Լավրով #Ռուս-թուրքական հարաբերություններ