Туманда тадбиркорликни ривожлантиришга тўсқинлик қилаётган муаммоли масалаларни кўриб чиқиш ва мавжуд бюрократик, шу жумладан, ер участкалари, бинолар ва кредитлар ажратиш, рухсат берувчи ҳужжатларни олиш масалаларидаги тўсиқларни бартараф этилишини таъминлаш мақсадида Учкўприк туман ҳокими Акмалжон Махмудалиев ҳамда тумандаги Бош вазир қабулхонаси мудири Жамшид Алиджанов билан ҳамкорликда "Тадбиркорлар уйи" биносида сайёр қабул ўтказилди.
Қабулда 11 нафар тадбиркорлик субъектлари ҳамда тадбиркор бўлиш истагидаги фуқаролар қатнашди.
Келиб тушган масалаларнинг аксарияти қуёнчилик, иссиқхона фаолиятини йўлга қўйиш ва айланма маблағ учун имтиёзли кредит ажратиш ҳамда тадбиркорлик бошлаш учун ер ажратишни ташкил қилди.
Банк, молия ва кредит масаласидаги мурожаатлар шу куннинг ўзида туман тижорат банклари рахбарлари томонидан мурожаатчи номидан www.oilakredit.uz ягона платформа орқали аризалари топширилди ҳамда назоратга олинди.
Қабул давомида кўтарилган масалаларнинг 8 таси жойида хал этилди, қолган 3 та мурожаатлар муддат талаб қилганлиги сабабли ваколатли органлар томонидан ўрганиб чиқилиши учун йўналтирилди ҳамда ижроси назоратга олинди.
Учкўприк туманидаги Бош вазир қабулхонаси ахбороти