Фурқат тумани ҳокими Жаҳонгир Жуманов ўзи раҳбарлик қилаётган 1-секторда ҳамда туман ҳудудида маҳаллабай ишлаш жараёнида тадбиркорлар муаммоларини ўрганиш ва ҳал қилиш, аҳолини тадбиркорлик фаолиятига жалб қилишга алоҳида эътибор қаратмоқда.
Бугун “Тадбиркорлар уйи”да ўтказилган қабулда эса тадбиркорликка оид 8 та масалага шу куннинг ўзида етим топилди. Қабул давомида тадбиркорлар ва тадбиркорлик қилиш истагидан бўлган 20 нафар шахслар ҳоким билан юзма-юз гаплашиб, бизнес режалари, ғоя ва таклифларини баён қилдилар.
Масъуллар иштирокида ўтказилган қабулда Эко дўкон қуриш, кредит олиш, чорвачиликни ривожлантириш сингари 8 та мурожаатлар ижобий ҳал этилди. Қолган мурожаатлар бўйича назорат-режа ишлаб чиқилиб, қонунда белгиланган тартибда ва муддатларда кўриб чиқилиши назоратга олинди.