Софийская первая летопись относит сражение и преставление князя Михаила Тверского к 6906 году от сотворения мира (1406-му от Рождества Христова по русскому летосчислению того времени, и 1398-му по современному). (Полное собрание русских летописей. Т. 5. V. VI. Псковския и Софийския летописи. СПб. 1851. С. 251-252.) Но в ней отсутствует 6907 г.: за 6906-м описываются события 6908 г.
Лицевой летописный свод и Никоновская летопись помещают битву под 6907 г. (1407, 1399): «Того же лета царь Темирь Култуй присла послы своя к великому князю литовьскому Витофту Кестутевичю внуку Гедиманову глаголя сице: выдай ми царя беглаго Тахтамыша, враг бо ми есть. И не могу терпети слышав его жива суща и у тебе живуща. Пременяет бо ся житие сие. Днесь царь, а утре беглець. Днесь богат, а утре нищь. Днесь имеет други, а утре враги. Аз же боюся своих, не токмо чюжих. Царь же Тахтамышь чюжь ми есть и враг зол, тем же выдай ми его. А что около его ни есть, то тебе. Слышав же сия князь велики Витофт Кестутевичь, и даде ответ послу цареву Темирь Кутлуеву тако глаголя: яз царя Тахтамыша не выдам, а со царем Темир Кутлуем хощу ся видети сам.
И поиде Витофт со своими князи, и со всеми силами литовскими. Вкупе же с ним и сам царь Тахтамышь с своим двором. И бысть их сила ратная велика зело. И поиде вьземлю татарскую на Темирь Култуя с великою похвалою и гордостию, сице хваляшеся глаголя: поидем пленити землю татарскую, победим царя Темирь Култуя, възмем царьство его, и разделим богатество и имение его, и посадим во орде на царьстве его царя Тахтамыша, и на Кафе, и на Озове, и на Крыму, и на Азътаракани, и на Зааицкой орьде, и на всем примории, и на Казани, и то будет все наше, и царь нашь. А мы не точию Литовъскою землею и Полскою владети имем, и Северою, Великим Новым городом, и Псковом, и немцы, но и всеми великими княжении рускими, и со всех великих князей руских учнем дани и оброки имати, а они нам покорятся, и служат и волю нашю творят, якоже мы хотим и повелеваем им. И на том на всем поидоша татар воевати царя Темирь Кутлуя, и идоша в поле татарское далече.
И пришедше сташа на брезе у реки Ворьсколы. И се противу им царь Темирь Кутлуй со всею силою татарьскою встречю изыде из за реки Ворьсколы.
И тако вьстретъшеся с Витофтом в поле чисте на реце на Ворьскле в земли татарьской. И начаша съсылатися межи собою глаголаше Витофту царь Темир Кутлуй: почто еси пошел на меня, яз твоей земли не имал, ни градов твоих, ни сел твоих? Глагола Витофт Кестутевичь: Бог покорил мне всее земли, покорися и ты мне, и буди мне сын, а яз тобе отець, и даваи ми на всяко лето дани и оброки, аще ли не хощеши тако, да будеши мне раб, а яз орду твою всю мечю предам.
И убояся царь Темирь Кутлуй, посылаше послы своя к Витофту с челобитем и со многою любовию и мольбою, чтобы пожаловал Витофт Кестутевичь, милость на нем показал: в сыны его взял, а дани бы и оброки со всее орды на всякое лето по возможному взимал. Витофт же, молим от царя, сниде на сие. Но еще к тому восхоте Витофт во всей орде быти на денгах ординьских.
Знамение Витофтово. Царь же Темирь Кутлуй упроси у Витофта срока на 3 дни, дондеже поомыслит себе. И посылаше к Витофту скота много волы, овцы, чествуя его.
И се в то время прииде к нему князь его Едигей. Сей убо Едигей князь велики бе во всей орде, и мужственен и крепок, и храбр зело. И услыша от царя своего о Витофте, и како ся покори Витофту, и рече ко царю сице: о царю, лучше нам смерть прияти, неж сему быти.
И тако посла от себя послы к Витофту. А Витофту стоящу на другой стране реки Ворьсколы в обозе в кованых телегах, на чепех [цепях] железных со многими пищалми, и пушками, и самострелы. Глаголя сице Едигей: видися сам со мною, о добрый и удалый Витофт.
И тако начаша глаголати, а межи их река Ворьскола. Рече Едигей князь велики ординьскии Витофту великому князю литовскому: Вьправду еси вьзял волнаго нашего царя Большия орды в сыны себе, понеже ты еси стар, а волный нашь царь Великиа орьды Темирь Кутлуй млад есть. Но подобает тебе разумети и се, понеже зело еси премудр и удал, разумей убо, яко аз есмь стар пред тобою, а ты млад предо мною, и подобает мне над тобою отцем быть, а тебе у меня сыном быти, и дань и оброки на всякое лето мне имати со всего твоего княжениа, и во всем твоем княжении на твоих денгах литовьских моему ординьскому знамени быти. Витофт же Кестутевичь слышав сиа, възярися зело и възкрича, и повеле воиньству своему всему на битву готовитися.
И бяше тамо видети страшно обе силы велики снимающеся на кровопролитие и смерть. И преже всех поиде со своею силою князь велики ординьскии Едигей, и съступися с Витофтом. И обоим стреляющимся татаром и литве самострелы и пищалми, но убо в поле чисте пушки и пищали недействени бываху. Но аще и недействены, но убо литва крепко боряхуся, и идяху стрелы, аки дождь силен.
И тако начаша премогати литва князя Едигея ординьскаго. И потом приспе царь Темирь Кутлуй с великою силою татарьскою и обыдоша их аки кругом, и подстреляша под ними кони. И надолзе зело биющимся им крепко вельми обоим и бысть брань лютая и сеча зла зело, и паки начаша премогати татарове.
И одоле царь Темирь Кутлуй, и победи Витофта и всю силу литовъскую. А Тахтамышь царь, егда видев сия, и преже всех на бег устремися, и мног народ восторгаше бегучи, аки на жатве класы, и много литовьския земли пограбил.
И тако татарове взяша обоз, и телеги кованыя с чепми железными утверженыя, и пушьки и пищали, и самострелы, и богатьство многое и великое, златыя и сребряныя сосуды поимаша. Витофт же Кестутевичь видев то зло, на бег обратися, в мале дружине утече, а татарове вьслед их гоняще, секуще на пятсот верст до града до Киева, пролиаша кровь, аки воду.
Царь же Темирь Кутлуй пришедше, сам стал под градом под Киевым, а силу свою роспустил воевати земли литовьскиа. И ходиша рать татарьская воююще даже и до Великаго Лучска, и много городов поплениша и много стран повоеваша и пусто сотвориша.
Царь же Темирь Кутлуй с Киева взя окупа 3 тысящи рублев, а с Печерьскаго монастыря 30 рублев, и оттоле поиде в свою землю ординскую.
А в земли Литовьской бысть тогда скорбь и сетование и плачь мног, и людей оскудение велие. А се имена убитых князеи литовьских: князь велики Андрей Олгердовичь полотцкии, князь велики Дмитрей Олгердовичь брянскии, брат их из двуродных князь Михаило Евнутевичь, внук Гедиманов, князь Иван Дмитреевичь Киндырь, князь Андрей Дмитреев пасынок, князь Иван Евлашковичь, князь Иван Борисовичь киевскии, князь Глеб Кориадовичь, князь Михаило Васильевичь, да брат его князь Семен Васильевичь, князь Михаило подберезскии, да братъ его князь Александр, князь Дмитрей Даниловичь волынскии, князь Феодор Патрекеевичь рыльскии, князь Андрей дрютскии, князь Вьспытка краковьскии, князь Моньт Толунтиевичь, князь Иван Юрьевичь бельскии, князь Дмитрей Кориядович, князь Ямоньт наместник смоленьскии. Всех князей и именитых славных 70 и 4, а иных воевод и бояр великих и христиан и литвы, и руси, ляхов, немьцев, елико избито многое множество кто возможет изьчесть? Се же случися месяца августа в 12 ден, въ вторник в седмый час дни». (Лицевой летописный свод XVI века. Русь (1400-1410 гг. от В.Х.). Кн. 11. М. 7522. С. 411-428. (В этом издании переложение на современный русский язык выполнено с серьёзными ошибками.) Полное собрание русских летописей. Т. 11. VIII. Летописный сборник именуемый Патриаршею или Никоновскою летописью. СПб. 1897. С. 172-174.)
По Воскресенской и Типографской летописям, сражение произошло в следующем, 6908 (1408, 1400) году: «В лето 6908. Женися князь Юрьи Дмитреевичь на Москве, у князя Юриа Святославича Смоленьскаго поя дщерь именемь Анастасию. Побоище Витофтово с царем Темирь Кутлуем. Князь Витофт Кестутьевичь Литовский събрав воя многи, с ним же бе царь Тахтамыш с своим двором, а с Витофтом Литва, Немцы, Ляхи, Жемоть, Татарове, Волохи, Подоляне, единых князей с ним бе 50 числом, и бысть сила ратных велика зело; и с всеми плъкы и с многочисленными ратми оплъчився, поиде на царя Темирь Кутлуя и на всю его силу Татарьскую. Похвалився, глаголаше бо Витофт: «поидем и победим царя Темирь Кутлуя, взем царство его посадим на нем царя Тахтамыша, а сам сяду на Москве на великом княжении, на всей Руской земли.» Преже бо того съвещашася Витофт с Тахтамышем, глаголя: «аз тя посажю в орде на царстве, а ты мене посади на Москве на великом княжении, на всей Руской земли;» и на том поидоша плъки ратными, и с князьми своими ординьскими и с всею силою Татарскою, и сретошася с Витофтом обои в поле, на реце на Ворскле, и бысть им бой велик, месяца августа 12 день, надолзе же бьющимся, поможе Бог татаром, и одоле царь Темирь Кутлуй, победи Витофта и всю силу Литовьскую. И убеже Витофт в мале дружине, а Татарове погнаша по них секуще; а Тахтамышь царь бежа з бою того, много же пакости учини земли Литовской. Побиша же Татарове на том великом побоище много князей Литовьских, и воевод, и боар великих, и христиан много, и Литвы, и Немець, и Ляхов, и иных людий многое множество бесчисленое паде тогда, а мало остася их. И поиде царь Темирь Кутлуй к Киеву, и взя с него окуп 3000 рублев Литовским сребром, а силу свою всю распусти воевати земли Литовьские; и ходиша рати Татарьские въюючи даже до Великаго Лучьскаго, и много городов поплениша и много стран повоеваша, и много зло сътворив Темирь Кутлуй земли Литовской и отъиде в землю свою. Се же имена князей Литовьских избитых тогда на бою том: князь Андрей Полотский Олгердовичь, брат его Дмитрей Дьбрянский, князь Иван Дмитреевичь Кидырь, князь Андрей пасынок Дмитреев, князь Иван Евлашковичь, князь Иван Борисовчиь Киевский, князь Глеб Святославичь Смоленский, князь Лев Корьадовичь, князь Михайло Василиевичь, брат его князь Семен, князь Михайло Подбереский, брат его князь Александр, князь Михайло Даниловичь, брат его князь Дмитрей, князь Феодор Патрекеевичь Велынский, князь Ямант Тулуйковичь, князь Иван Юриевичь Белский, князь Луспытко Краковски. О преставлении князя Михаила Тверскаго. ...». (Полное собрание русских летописей. Т. 8. VII. Продолжение летописи по Воскресенскому списку. СПб. 1859. С. 72-73. Т. 24. Типографская летопись. Пг. 1921. С. 167-168.)
Нередко можно встретить утверждение, что из-за татарского завоевания Русь отстала от Европы. Как можно видеть, это совершенно неверно. Через 19-20 лет после победной для русских Куликовской битвы татары наголову разгромили на Ворскле европейское войско. При этом в 1380 г. Орда была ещё во всей своей силе, а в 1399-1400 уже значительно ослабленной внутренними междоусобными войнами.
