Telegram асосчиси Павел Дуров ўзининг канали орқали май ойидан бошлаб компания овозли чатларга видео қўшишини маълум қилди. Мазкур янгилик мессенжерни «жамоавий видеоқўнғироқлар учун кучли платформага» айлантиради.
Фото: Getty Images
Янгиланган овозли чатга экран ва шовқин сўндиришдан биргаликда фойдаланиш функцияси қўшилади. Дуровнинг сўзларига кўра, янги функциялар қаторидан «Telegram даражасидаги интерфейс, тезлик ва шифрлашдан фойдаланган ҳолда замонавий видеоконференция алоқаларидан кутиш мумкин бўлган барча нарса» ўрин олади.
Дуровнинг қўшимча қилишича, мессенжер дастурчилари тез орада қўшиладиган видеоқўнғироқларнинг веб-версиясини тестдан ўтказади. Қўнғироқларни компания мессенжернинг апрель ойида тақдим этилган веб-версияларида (WebK ва WebZ) синаб кўриш мумкин.