"У беларускім Міністэрстве па надзвычайных сітуацыях – зноў надзвычайная сітуацыя"

У беларускім Міністэрстве па надзвычайных сітуацыях – зноў надзвычайная сітуацыя. У Гомельскім філіяле ведамаснага ВНУ – Універсітэта грамадзянскай абароны МНС – атрымалі траўмы тры зусім маладых курсанты-першакурснікі.

Гэта адбылося на лагерных зборах будучых ратавальнікаў падчас 10-кіламетровага марш-кідка. Два курсанты з пераломамі адпраўленыя ў шпіталь, трэці з расцяжэннем звязкаў будзе лячыцца амбулаторна.

Што цікава, прэсавая служба МНС, як заўжды, вырашыла прыхаваць непрыемны інцыдэнт.