Дорогие друзья, представляю вам чудотворную молитву из цикла пяточисленных. Дома можно читать перед любым образом Пресвятой Богородицы, который у вас есть. Да и кого, как не Пресвятую Богородицу, просить нам о помощи?!! Например, позаботиться о приобретении мудрости, очищении души, сохранении любви. Молятся ей и о скорой помощи. Невинно оскорбленные, осужденные и скорбящие просят через молитву прояснения и справедливости, терпения, прозрения. Просят также послушания непослушным детям.
А после молитвы, друзья, не забудьте обязательно поблагодарить Пресвятую Богородицу благодарственной пяточисленной молитвой, которая в тексте ниже.
Пяточисленная Молитва Богородице о помощи делах
О, Пресвятая Дево, Мати Господа Вышних сил, Небесе и земли Царице, града и страны нашея всемощная Заступнице!
Приими хвалебно-благодарственное пение сие от нас, недостойных раб Твоих, и вознеси молитвы наша ко Престолу Бога Сына Твоего,
да милостив будет неправдам нашим и пробавит благодать Свою чтущим Всечестное Имя Твое и с верою и любовию поклоняющимся чудотворному образу Твоему.
Несмы бо достойни от Него помиловани быти, аще не Ты умилостивиши Его о нас, Владычице, яко вся Тебе от Него возможна суть.
Сего ради к Тебе прибегаем, яко к несомненней и скорей Заступнице нашей:
услыши нас, молящихся Тебе, осени нас вседержавным Покровом Твоим и испроси у Бога Сына Твоего пастырем нашим ревность и бдение о душах, градоправителем мудрость и силу,
судиям правду и нелицеприятие, наставником разум и смиренномудрие, супругом любовь и согласие, чадом послушание, обидимым терпение, обидящим страх Божий, скорбящим благодушие, радующимся воздержание;
всем же нам дух разума и благочестия, дух милосердия и кротости, дух чистоты и правды.
Ей, Госпоже Пресвятая, умилосердися на немощныя люди Твоя;
разсеянныя собери, заблуждшия на путь правый настави, старость поддержи, юныя уцеломудри, младенцы воспитай и призри на всех нас призрением милостиваго Твоего заступления, воздвигни нас из глубины греховныя и просвети сердечныя очи наша ко зрению спасения;
милостива нам буди зде и тамо, в стране земнаго пришельствия, и на Страшнем Суде Сына Твоего:
преставльшияся же в вере и покаянии от жития сего отцы и братию нашу в Вечней Жизни со Ангели и со всеми святыми жити сотвори.
Ты бо еси, Госпоже, Слава небесных и Упование земных, Ты по Бозе наша Надежда и Заступница всех притекающих к Тебе с верою.
К Тебе убо молимся и Тебе, яко Всемогущей Помощнице, сами себе и друг друга и весь живот наш предаем, ныне и присно, и во веки веков. Аминь.
Пяточисленная Благодарственная молитва Богородице
Тебе, Матерь Божию, хвалим;
Тя, Марие, Деву Богородицу исповедуем;
Тя, превечнаго Отца Дщерь, вся земля величает.
Тебе вси Ангели и Архангели и вся Начала смиренно служат;
Тебе вся Власти, Престоли, Господствия и вся превышния Силы небесныя повинуются.
Тебе Херувими и Серафими радующеся предстоят и непрестанным гласом вопиют:
Святая Богородице Мати, полны суть небеса и земля величества славы плода чрева Твоего.
Тебе преславный апостольский лик своего Творца Матерь восхваляет;
Тебе мучеников множество Богородицу величает;
Тебе преславный исповедников сонм Бога Слова храм нарицает;
Тебе господственнии полцы девства образ проповедают;
Тебе вся небесная воинства Царицу Небесную восхваляют.
Тебе по всей вселенней Церковь святая прославляет, Матерь Божию почитающи;
Тя истиннаго Царя небеснаго Отроковицу превозносит.
Ты еси Ангелом Госпожа, Ты еси райская дверь, Ты лествица Царствия Небеснаго, Ты Царя славы чертог, Ты ковчег благочестия и благодати, Ты еси бездна щедрот, Ты еси прибежище грешных.
Ты Мати Спасителева, Ты свобождения ради пленнаго человека, Бога восприяла еси во чреве.
Тобою попран бысть враг;
Ты отверзла еси верным двери Царствия Небеснаго.
Ты одесную Бога стоиши;
Ты Бога за нас молиши, Дево Марие, Иже будет судити живым и мертвым.
Тя убо просим, Заступницу пред Сыном Твоим и Богом, Иже кровию Своею нас искупи, да мзду восприимем в вечной славе.
Спаси люди Твоя, Богородице, и благослови достояние Твое, яко да будем причастницы наследия Твоего;
упаси и соблюди нас даже до века. На всяк день, о Пресвятая, хвалити и ублажати Тя желаем сердцем и устами.
Сподоби, Премилосердая Мати, ныне и всегда от греха сохранитися нам;
помилуй нас, Заступнице, помилуй нас.
Буди милость Твоя на нас, якоже на Тя уповахом во веки. Аминь.
