3 ӄоягыёлг’атйиг’илгык Президентата РФ Владимирынак Путинынак йинтыванэн инэллэчг’у Камчатский крайик В. Солодов.
Панэнатвык «Акмэтгиӈо гивикинэв’ В. Солодовын: ымыӈ ею, ятан уйӈэ ыннаныӈ валг’о» инэллечг’э крайик тывынэн ею тэйкынэн гэвэгиӈык то ею еппы амъел етэйкикынин.
Йинтыватылг’ын инэллэчг’у регионык ӄоягыёлг’атйиг’илгык 2020 гэвэгиӈык тывынэн в’иннетычг’э Президентан ДФО Ю. Трутневынак. Ӈанкалг’атык В. Солодов иви, ятгыматыӈ вэтатык, тит мэлу нэнг’ылӈын ынин вэтгиӈын юнэтылг’э Камчаткак.
«Яноткэн пыттоӈгиӈын Камчаткак- ынин ваят, меӈин в’утку куюнэтыӈ. Ычгинэв’ котвалаӈ катгогиӈо то эӈълу нэкулӈыӈын чининкин нутэнут. Гыммо тыявэтатэкэ, лиги лыӈма ею яноткэнав’ юнэтылг’э четкэюӈу нэкунтыӈнэв’»,- эвыӈ В. Солодов.
13.09.2020 г В. Солодов нэйичин инэллэчг’у крайик. Чининкинэв’ кумӈу нэйилнэв’ 68 тысячата инэйичилг’э - 80,51 % ымыӈ инэйичилг’ин.
Гагэтаӈвота: https://www.kamgov.ru/news/god-nazad-vladimir-solodov-byl-naznacen-glavoj-kamcatskogo-kraa-39276
Эчгыпо йинчоччымав’нэн С. Тынанто.