Ман шаҳрванди давлати дигар ҳастам. Оё метавонам дар Русия соҳибкори инфиродӣ бошам?
Шумо:
• Дорои қобилияти меҳнатӣ (қобилияти меҳнатӣ - аз 18-сола, аз 16-сола - дар ҳолати издивоҷ ё кор тибқи шартномаи меҳнатӣ ҳисобида мешавад ) ё дорои маҳдудиятҳои қобилияти меҳнатӣ ҳастед ;
• Ба таври доимӣ дар Русия зиндагӣ мекунед (иҷозатномаи иқомати муваққатӣ ё иҷозатномаи иқомат доред)?
Бале .
Шумо метавонед дар ҳудуди Федератсияи Русия тиҷорат кунед.
Барои шахсоне, ки қобилияти маҳдуди ҳуқуқӣ доранд, розигии парастор талаб карда мешавад.
Не .
Тибқи қонунгузории Федератсияи Русия, ин шартҳо барои шаҳрвандони хориҷӣ барои иҷрои фаъолияти соҳибкорӣ ҳатмӣ мебошанд.
Барои қайди соҳибкории инфиродӣ кадом ҳуҷҷатҳо лозиманд?
Барои ба қайд гирифтани соҳибкории инфиродӣ, ба шумо лозим аст, ки ба шӯъбаи Хадамоти федералии андози ё ба Маркази ҳуҷҷатгузорӣ (МФЦ) санадҳои аслӣ ва нусхаҳои зеринро пешниҳод кунед:
• ариза барои бақайдгирӣ;
• ҳуҷҷати тасдиқкунандаи шахсият;
• шаҳодатномаи таваллуд (агар маълумот дар бораи ҷой ва санаи таваллуд дар шиноснома мавҷуд набошад);
• Иҷозатномаи иқомат ё иҷозатномаи иқомати муваққатӣ;
• Ҳуҷҷате, ки суроғаи маҳалли истиқомат дар қаламрави Федератсияи Русияро тасдиқ мекунад;
• Шаҳодатнома дар бораи надоштани доғи судӣ (барои ҳамкорӣ бо шахсони то 18-сола);
• Изҳорот дар бораи интихоби низоми андозбандӣ;
• Квитансия барои пардохти боҷ (800 рубл);
• Ваколатнома, агар шахси дигар ҳуҷҷатгузориро амалӣ намояд.
Ҳуҷҷатҳоро инчунин тариқи электронӣ тавассути портали Хидматрасонии давлатӣ (Госуслуги) пешниҳод кардан мумкин аст. Дар чунин ҳолат боҷи давлатӣ пардохт карда намешавад, аммо ариза бо имзои электронии мукаммал бо ёрии нотариус ё Маркази ҳуҷҷатгузорӣ тавассути вебсайти Хадамоти давлатӣ пешниҳод карда мешаванд.
Чӣ тавр аризаро дуруст пур кардан мумкин аст?
Талабот барои пур кардани ариза чунинанд:
• Ҳамаи варақаҳои аризаро чоп кардан лозим аст, чоп кардани дутараф манъ аст, сафҳаи холӣ замима намешавад;
• Шумо бояд бо перои ранги сиёҳ бо ҳарфҳои ҷудогона дар чашмак ҳо - як ҳарф и нависед;
• Ҳангоми пур кардани замима дар Microsoft Word, шумо бояд аз шрифти Courier New, андозаи 18 истифода баред;
• Он чизе ки навишта шудааст, ислоҳ кардан ғайриимкон аст;
• Калимаҳоро мувофиқи қоидаҳои забони русӣ кутоҳ ва ихтисор кардан мумкин аст, инчунин шакли санаҳо низ бояд риоя шавад;
• Саҳифаҳоро рақамгузорӣ кардан лозим аст.
Сабти номи соҳибкори инфиродӣ чӣ қадар вақт мегирад?
Шумо бояд дар давоми се рӯзи корӣ аз санаи пешниҳоди ҳуҷҷатҳо ба идораи андоз сабти ном шавед.
Арзиши бақайдгирии соҳибкори инфиродӣ чӣ қадар аст?
Арзиш метавонад аз якчанд омилҳо вобаста бошад. Ҳаҷми боҷи давлати 800 рубл аст (ҳангоми пешниҳоди ариза дар шакли электронӣ пардохт карда намешавад). Хидматҳои ҳатмии нотариалӣ ва тарҷумон, инчунин кумаки ҳуқуқӣ алоҳида пардохт мешаванд.
Оё ман метавонам низоми андозро интихоб кунам?
Бале, шумо метавонед як намудҳои андозсупориро барои худ интихоб кунед дар ҳангоми бақайдгирӣ ариза (ё дар давоми 30 рӯз аз санаи пешниҳоди ҳуҷҷатҳо).
Инҳо метавонанд бошад:
• Системаи соддакардашудаи андозбандӣ ("УСН" - пардохти андози камтарро дар бар мегирад ва меъёрҳо дар минтақаҳои гуногун фарқ мекунанд);
• Андози ягона аз даромади ҳисобшуда ("ЕНВД" - на дар ҳама минтақаҳо татбиқ мешавад);
• Системаи патентӣ ("ПСН" - на дар ҳама минтақаҳо эътибор дорад);
• Андози ягонаи кишоварзӣ ("ЕСХН" - андози ягонаи кишоварзӣ, танҳо барои истеҳсолкунандагони кишоварзӣ пешбинӣ мешавад).
Агар ман вақти пешниҳоди ариза низоми андозсупориро интихоб накунам чӣ мешавад?
Дар ин ҳолат, хадамоти андоз ба таври худкор ба соҳибкори инфироди шакли умумии пардохти андозро татбиқ мекунад ва шумо бояд андоз аз арзиши иловашуда ва андози даромадро пардохт кунед.
Метавонанд маро ҳамчун соҳибкори инфиродӣ ба қайд нагиранд?
Метавонанд бо сабабҳои зерин рад кунанд:
• На ҳама ҳуҷҷатҳои зарурӣ пешниҳод карда шуданд;
• Ҳуҷҷатҳо ба мақомоти бақайдгири ғайрикобили қабул фиристода шуданд;
• Ҳуҷҷатҳо аз ҷониби нотариус тасдиқ нашудаанд;
• Шумо дар муҳлати то 12 моҳ пеш муфлис шудаед;
• Мӯҳлате, ки суд ба шумо иҷрои фаъолияти соҳибкориро манъ кардааст, ба охир нарасидааст;
• Соҳибкори инфиродии марбут ба таҳсил, тарбия, ташкили истироҳатгоҳ барои шахсони то 18-сола аз ҷониби шахсе кушода мешавад, ки ҳеҷ гоҳ барои ҷиноятҳои вазнин ва махсусан вазнин маҳкум нашуда бошад;
• Намуди фаъолиятҳое, ки барои соҳибкорони инфиродӣ манъ карда шудаанд, интихоб карда шуданд (истеҳсоли техникаи ҳарбӣ, доруҳо ва ғ.);
• Мӯҳлати эътибори иҷозатномаи иқомати муваққатӣ ё иҷозатномаи иқомат ба охир расидаст.
Қарори рад дар шакли хаттӣ бо асосҳо дар давоми 5 рӯзи корӣ аз санаи пешниҳоди ҳуҷҷатҳо бароварда мешавад.