- Молитва к Божией Матери
- Молитва к Ангелу - Хранителю
- Молитва о детях, которым трудно даётся учение
- Молитва о вскармливании грудью младенцев
Здравствуйте уважаемые подписчики и гости канала! Думаю, что эти молитвы все знают, всем они знакомы. Напишу для тех, кто забыл и для тех кто не знал.
Молитва к Божией Матери
О Пресвятая Владычице Дево Богородице, спаси и сохрани под кровом Твоим моих чад (имена), всех отроков, отроковиц и младенцев, крещёных и безымянных и во чреве матери носимых. Укрой их ризою Твоего материнства, соблюди их в страхе Божием и в послушании родителям, умоли Господа моего и Сына Твоего, да дарует им полезное ко спасению их. Вручай их Материнскому смотрению Твоему, яко Ты еси Божественный Покров рабам Твоим.
Матерь Божия, введи меня во образ Твоего небесного материнства. Уврачуй душевные и телесные раны чад моих (имена), моими грехами нанесённые. Вручаю дитя моё всецело Господу моему Иисусу Христу и Твоему, Пречистая, небесному покровительству. Аминь.
Молитва к Ангелу-Хранителю
Святый Ангеле-Хранитель моих чад (имена), покрой их Твоим покровом от стрел демона, от глаз обольстителя и сохрани их сердце в ангельской чистоте.Аминь.
Молитва о детях, которым трудно даётся учение
Господи Иисусе Христе, Боже наш, воистину вселивыйся в сердца двенадцати апостолов и силою благодати Всесвятого Духа, сошедшаго в виде огненных языков, и уста их открывший, так что они начали говорить на иных наречиях! Сам Господи Иисусе Христе, Боже наш, ниспосли того Духа Твоего Святого на отрока сего (имя) и насади в сердце его Святое Писание, которое рука Твоя пречистая начертала на скрижалях законодателю Моисею, ныне и присно и во веки веков. Аминь.
Молитва о вскармливании грудью младенцев
Приими, Госпоже Богородительнице, слезныя моления рабов Твоих, к Тебе притекающих. Зрим Тя на святей иконе, на руках носящую и млеком питающую Сына Твоего и Бога нашего, Господа Иисуса Христа. Аще и безболезненно родила еси Его, а обаче матерния скорби веси и немощи сынов и дщерей человеческих зриши. Темже тепле припадающе к цельбоносному образу Твоему и умиленно сей лобызающе, молим Тя, Всемилостивая Владычице: нас, грешных, осужденных в болезнех родити и в печалех питати чада наша, милостивно пощади и сострадательно заступи, младенцы же наша, такожде и родившия их, от тяжкаго недуга и горькия скорби избави. Даруй им здравие и благомощие, да и питаемии от силы в силу возрастати будут, и питающие их исполнятся радостию и утешением, яко да и ныне предстательством Твоим из уст младенец и ссущих Господь совершит хвалу Свою. О, Мати Сына Божия! Умилосердися на матери сынов человеческих и на немощныя люди Твоя: постигающия нас болезни скоро исцели, належащия на нас скорби и печали утоли, и не презри слез и воздыханий рабов Твоих. Услыши нас в день скорби пред иконою Твоею припадающих и в день радости избавления приими благодарная хваления сердец наших. Вознеси мольбы наша ко престолу Сына Твоего и Бога нашего, да милостив будет ко грехом и немощем нашим и пробавит милость Свою ведущим Имя Его, яко да и мы, и чада наша, прославим Тя, милосердую Заступницу и верную надежду рода нашего, во веки веков. Аминь.