«Сунтаарбыт нэһилиэгин супергеройдара
– хорсун –ходуот волонтердара»
Аан дойдуга коронавирус ыарыыта туруоҕуттан биьи нэһилиэкпитигэр муус устар 31 күнүттэн улуус үрдүнэн тэриллибит волонтердар ыстааптара күүстээх үлэтин саҕалаабыта. Сунтаар нэһилиэгин волонтердарын « Партизан » культура киинин дириэктэри н солбуйааччы Жанна Макарова салайар. Бу үлэҕэ тус бэйэлэрин баҕаларынан 34 нэһилиэкпит үтүө санаалаах ыччаттара 17 массыына көлөлөөх үлэлии сылдьаллар. Волонтердар олохтоохтору вирустан сэрэхтээх буолууга үөрэтэллэр, элбэхтэ туттуллар сирэй мааскаларын тар5аталлар, дьон сайаапкатынан аптекаттан эмп-том, маҕаһыынтан ас-үөл уо.д.а. наадаларын ылан дьиэлэригэр тиэрдэллэр,дьиэ ис- тас 8лэтигэр көмө буолуохтарын сөп, оҕо былаһааккаларын, уопсай дьиэлэри, общественнай миэстэлэри дезинфекциялыыллар. Волонтердар инструктаж быһыытынан мааскалаах, бэрчээккэлээх сылдьаллар, аадырыска илдьибит малларын дьиэ таһыгар хааллараллар. Волонтердар оҥорор өҥөлөрүн сөпкө өйдөөн, итинэн туһанар киһи элбээн иһэр, ордук аҕам саастаах дьоннорбут, соҕотох ийэлэр, сэлиэнньэ кытыытыгар ыраах олорор ыаллар хото туһаналлар. Ыстааб нүөмэрэ 89142708487.