Волонтер диэн бэйэтин баҕа санаатынан, биир да харчыта суох уопсастыбаҕа көмөнү этэллэр.
Бу сыл Сунтаар улууһугар үтүө дьыаланы оҥорооччулар сылларынан биллэриллибитэ.
2020 сыл кулун тутар ыйтан бу биһиги дойдубутугар дьаҥ ыарыы туран, кыаммат , кырдьаҕас дьоҥҥо, дьиэҕэ харантыыҥҥа ханна да тахсыбакка олорооччуларга көмөлтө наада буолбутугар Сунтаар сэлиэнньэтигэр олорор эдэр ыал Ньургустаана Юрьевна уонна Василий Васильевич Заболоцкайдар дьоҥҥо туһалаах буоллун диэн волонтерствоннан дьарыктаммыттара. Бэйэлэрин баҕа санааларынан бородуукта таһыытыгар, муус, мас киллэриитигэр, аптекаттан эмп ылыытыгар билигин да улэлии сылдьаллар эбит. Бу аҕыйах хонуктааҕыта бэтэрээннэргэ улуус аҕа баһылыга Григорьев Анатолий Васильевич уонна нэһилиэк дьаһалтатын аатыттан бэлэх туттарбыттар.
Эдэр ыал ыарахан кэмҥэ туора туран хаалбакка, дьон кыьалҕатын кыһалҕа оҥостон, Сунтаар сиригэр утуө дьыаланы оҥорбуттара кэнэҕэс ыччаттарыгар, дьонноругар-сэргэлэригэр умнуллубат утуө өйдөбүл буолуо.
Инниктин Заблоцкайдар дьиэ кэргэттэригэр далааһыннаах дабайыыны, өйдөһүүнү, олохторугар дьолу-соргуну баҕарыаҕыҥ!
