Аҙыҡҡа үҙенсәлекле тәм биреп торған адыгейса тоҙҙо үҙегеҙ эшләп ҡарағанығыҙ бармы? Рецебын тәҡдим итәбеҙ.
700 грамм эре тоҙ, бер баш һарымһаҡ, бер аш ҡалағы кориандр орлоғо, бер аш ҡалағы киптерелгән әнис үләне (йәки укроп), бер аш ҡалағы киптерелгән петрушка, киптерелгән базилик, бер аш ҡалағы чабер, бер сәй ҡалағы онталған ҡара борос, бер сәй ҡалағы паприка һәм әсе борос кәрәк буласаҡ.
Адыгейса тоҙҙо әҙерләү мәшәҡәтле түгел. Һарымһаҡты махсус ҡыҫҡыс аша үткәреп, барлыҡ тәмләткестәрҙе он рәүешенә еткергәнсе ваҡлап, тоҙ ҡушып, яҡшылап болғатабыҙ, һәм теләгән тоҙобоҙ әҙер! Уны бигерәк тә ит ризыҡтары бешергәндә, шулай уҡ салаттарға ҡушып ебәрһәң, айырыуса тәмле килеп сыға.
Бындай тоҙҙо ҡапҡаслы быяла банкала һаҡларға кәрәк.
Миләүшә Сайтакова.
Сайтта сыҡҡан бар яҙмаларҙы ошо һылтанма буйынса инеп уҡый алаһығыҙ: bash.rbsmi.ru