Гыйнвар ахырында Казанның «ИТ-парк» технопаркында Татарстан Республикасы дәүләт идарәсен цифрлы нигездә үстерү, мәгълүмати технологияләр һәм элемтә министрлыгы коллегиясенең киңәйтелгән утырышы булды. Татарстан Республикасы Президенты Рөстәм Миңнеханов, Россия мәгълүмат технологияләрен үстерү фонды рәисе Дмитрий Крюков катнашкан чарада Саба кызы Фәнзилә Гыймадиева да чыгыш ясады.
Чатнатып татарча, үзебезчә сөйләде Казан мәгълүмати технологияләр һәм элемтә техникумында укучы кыз. Ул моның белән горурлануын үзе дә яшерми. “Мин рәхәтләнеп татарча сөйләдем. Чөнки 2021 ел – Туган телләр һәм халыклар бердәмлеге елы. Үз телемне ничек яратуымны чыгышым вакытында яхшы аңладым. Техникум исеменнән сөйләргә миңа сүз бирүләренә бик рәхмәтлемен”,– дип язды ул инстаграм битендә.
Тулырак язманы "Саба таңнары" газетасында укый аласыз