Foydalanuvchini telegramdagi barcha kanallarni aylanib chiqishga vaqti yo`q. Shu sabab u tabiiy tanlov vositasi yordamida o`ziga kerakli kanallarni ajratadi. Bu jarayon qanday bo`ladi ?
1- O`ziga kerak bo`lgan yo`nalishdagi kanallarni ro`yhatini topadi (qidiruv tizimi, google yoki katalog)
2 - Nomi ko`ziga tez tashlanadigan va katta va`dalarni beradigan kanallar ichiga kirib ko`radi.
3 - Kanalni tashqi ko`rinishi, postlarni stiliga e`tibor beradi.
4 - Kanal kontentiga tezda ko`z yugurtiradida, o`ziga qiziqarli deb hisoblasagina obuna bo`ladi.
5 - Ba`zida, kanal yoqadiyu, lekin obuna bo`lishga qorquv, uyalish sabab bo`ladi. Shuning uchun u aktiv kuzatuvchi rolida davom etadi. Ko`pincha, erotik kontentga ega kanallarga yoki uyatli chatlarga nisbatan shunday munosabat kuzatiladi.
BIZNING VAZIFAMIZ
Bo`rilar ovga chiqganda o`ljani qaysi tarafga qochishini oldindan bilishadi. Shu sabab ular 2 yoki 3 guruhga bo`linib hujum qilishadi. Burchakga tiralgan o`lja bo`rilarga nonushta bo`lishtan boshqa iloji bo`lmaydi.
Biz bo`lajak obunachilarni qanday harakat qilishini bilamiz. Shu sabab, yuqoridagi 4 ta punktni omadli ravishda yopib, "kuzatuvchi" ni "obunachilar burchagi" ga olib borishimiz kerak.
Bugungi mavzuda, Kanalga nom, logotip va postlar formati haqida suhbat yuritamiz. Hudo hohlasa, kontent sifati keyingi postlarda yoziladi.
KANAL NOMI
Kanal nomi qisqa (maksimum 2 ta so`z) va e`tiborni tortadigan bo`lishi kerak. O`zingizga yoqgan nomlar ro`yhatini bir qog`ozga yozing. Keyin telegram qidiruv bo`limidan shu nomlarni yozib, band yoki band emasligini tekshiring. Unutmang, unikal (o`xshashi yo`q) nom bo`lishi - blog uchun muhim.
Agar g`oya yetishmasa: Yo`nalishingizga tegishli so`zlardan foydalaning. Boshqa tillarni qo`shimchasi (the, la, vich va h.k)dan foydalaning. Agar nom 3 dan oshiq so`zlardan tashkil topsa, bosh harflarini qo`ying.
Muhimi, blog nomiga sana yoki yil qo`ymang. Chunki, vaqt o`zgargani sari, blogingiz nomi ham o`zgaraveradi. Hotira esa azizlar, cheklangan ne`mat.
Nomlar generatori sizga qo`shimcha g`oyalar topishda yordam beradi:
https://genword.ru/generators/nicknames/
KANAL LOGOTIPI
Sifatli logotip - kanalning tashrif kartochkasi hisoblanadi.
Kichik dumaloqcha ichiga ko`zga yaqqol tashlanadigan belgilarni joylashtirib, e`tiborni qarata olsangiz - marra sizniki.
Hozir, sariq fonga qora yozuvlar bilan yozish urfga aylangan. Chunki, sariq yorqin rang, qora yozuvda kanal nomini ko`rib olish qiyin bo`lmaydi.
Logotipingiz orqali - kanalni maqsadini foydalanuvchilarga yetqazib bera olishingiz lozim.
Agar grafik dizaynerlik sizga yiroq bo`lsa, Canva.com saytini maslahat beraman. Tayyor shablonlar ichidan o`zingizga yoqganini tanlaysiz va tahrirlaysiz.
KANAL TA`RIFI
Kanal ta`rifiga ko`p narsa yozish shart emas. Mana sizga variantlar:
- Blogingiz obunachilarga nima bera olishi haqida
- Blogingiz asl maqsadi
- Blogingiz nima haqida ekanligi
haqida qisqa jumlalar bilan yozish kifoya. Va albatta, aloqa uchun ma`lumotlarni qoldirib keting (telefon raqam, telegram nik va h.k).
P.S. Men atiydan kontaktlarni qoldirmaganman. Hozircha men bilan bog`lanishlarini hohlamayman :)