Ba'zi hollarda fleshkamiz xotirasida yetarli joy bo'lsa ham kerakli fayllarni unga ko'chirib bo'lmaydi. Bunda muammo 4 GB hajmdan ortiq fayllarni ko'chirayotganimizda juda ko'p kuzatiladi. Qachonki bu ishni amalga oshirmoqchi bo'lganimizda Windows OS'da quyidagicha xatolik oynasi hosil bo'ladi «Файл … слишком велик для конечной файловой системы».
macOS'da esa quyidagicha xatolik oynasi paydo bo'ladi «Не удаётся скопировать объект …, так как он слишком большой для формата этого тома».
Bu muammo esa bizning fleshkamiz formati bilan bog'liq bo'lib, FAT32 formatidagi fleshkalar xotirasiga 4GB'dan ortiq fayl ko'chirib bo'lmaydi. ushbu cheklovni olib tashlash uchun esa fleshkani qayta formatlab, formatlash jarayonida uning formatini o'zgartirib qo'yishimiz kifoyadir.
Formatlash jarayonida fleshka xotirasidagi barcha ma'lumot va fayllar o'chib ketadi. Ushbu amalni bajarishdan avval undagi ma'lumotlarni zahiraga olib qo'yishni unutmang.
Agar siz Windows OS'dan foydalansangiz, Mening kompyuterim oynasidan fleshkangiz nomi ustiga kursorni olib kelib, sichqonchaning o'ng tugmasini bosib, hosil bo'lgan menyudan Formatlash (Форматировать) buyrug'ini tanlang. Hosil bo'lgan oynadanfayl tizimi formatini o'zgartirishingiz zarur bo'ladi. Agarda fleshkani faqatgina Windows tizimida foydalansangiz NTFS fayl tizimini, Windows va macOS tizimlarida ham bir vaqtning o'zida foydalanmoqchi bo'lsangiz exFAT formatini tanlang.
So'ngra, pastroqda joylashgan "Tezkor tozalash" (Быстрое (очистка оглавления)) punktiga belgi qo'yib, "Boshlash" (Начать" tugmasini bosib, formatlash jarayoni yakunlanishini kuting.
Agar siz macOS'dan foydalansangiz fleshkani formatlash uchun quyidagi yo'l orqali o'ting: Finder → «Программы» → «Утилиты» → «Дисковая утилита». O'ng tomonda joylashgan fleshkani tanlab, yuqori qismda joylashgan "Tozalash (Стереть) tugmasini bosing. Keyingi oynada esa fleshka formatini tanlashingiz zarur bo'ladi. Agarda fleshkani faqatgina macOS tizimida foydalanmoqchi bo'lsangiz "Mac OS Extended (журналируемый)" formatini, agarda ushbu fleshkani Windows va macOS tizimlarida birdek foydalanmoqchi bo'lsangiz exFAT formatini tanlashingiz mumkin.
So'ngra "Tozalash" (Стереть) tugmasini bosib, formatlash jarayoni yakunlanishini kuting.
Ushbu amallarni bajarib bo'lganingizdan so'ng, siz fleshkangiz xotirasiga istalgan hajmga ega fayllarni ko'chirishingiz mumkin bo'ladi.
@OVOZA - zamonaviy va innovatsion