"Din – bu shaxsiy masala. Men e'tiqodli odamman va islomni qabul qilgach, o'ylaymanki, ham aqlan, ham jismonan kuchaya boshladim” – degan edi Riberi World Bulletin`ga bergan intervyusida.
Barcha futbol muxlislariga yaxshi tanish bo'lgan Frank Riberi islom dinini 2006 yilda qabul qilgan.
Uning o'zi bu haqida shunday hikoya qiladi:
- "Jazoirlik bo'lgan Vahibani ko'rib yoqtirib qoldim. U qiz bilan tanishib sevib qolganimni, niyatim uylanish ekanligini bildirdim. Tabiiyki u meni barcha muslima qizlar kabi rad etdi va islom dinini qabul qilsamgina bu haqida o'ylab ko'rishini, boshqa din vakiliga turmushga chiqishiga o'zi hamda ota-onasi sira rozi bo'lmasliklarini bildirdi. Men o'ylab ko'rishim kerakligini aytdim.
Keyingi uchrashuvimizda Vahiba menga "Qur'on" kitobini berdi va uni o'qib ko'rishimni maslahat berdi. Men bu muqaddas kitobni o'qib ko'rib ancha yillardan beri topa olmayotganim allaqanday tuyg'uni his qildim. Buni tariflab bera olmasam kerak. Xullas men ham baxtli kishilar safiga qo'shilib musulmon bo'ldim".
Frank "To'g'ri yo'l" ni topgach ismini Bilol Yusuf Muhammadga o'zgartirdi.
"Vahibaning yordami bilan islomni tanidim. Qur'onni o'qidim va qalbim mazkur buyuk din buloqlaridan suv ichdi. Islomning sharofati bilan eng og'ir damlarda ruhiy halovat topdim...”, deydi u.
Bilolning to'rt nafar farzandlari bor. Ikki qiz, ikki o'g'il. Qizlarining ismlari Hiziya va Shahinoz.
2011 yil 16 - sentyabr kuni tug'ulgan o'g'lining ismi Sayfulislom, 2015 yil 14 - may kuni tavallud topgan kenjatoyga esa Muhammad deb ism qo'ygan.
2017 - yil oxirida Bilol Suriyaning xarbiy to'qnashuvlar sodir bo'lgan xududlaridagi maktablarga 150 ming evro hayriya qildi.
“Dunyodagi har bir bola baxtli bo'lishga haqli va biz ularga quvonch bag'ishlashga harakat qilishimiz kerak”, - deydi Bilol Yusuf Muhammad.
Fransiyada hozirda deyarli 5 milliondan ortiq musulmon istiqomat qiladi va bu Yevropadagi eng katta ko'rsatgichdir. Ta'kidlanganidek, uning barcha amallarida islom aqidalari ustuvor. Masalan, futbolchi yurtida alkogolsiz bar ochdi. U yerda xo'rrandalarga faqat sharbat taklif etiladi. Mazkur barni ikki nafar qizlarining ismini qisqartirib, "O'Shahiz"( Shahinez va Hiziya) deb nomlagan.
@OVOZA - zamonaviy va innovatsion