Windows o'rnatish jarayonlarida yoki yangi dastur o'rnatish jarayonlarida siz ham dasturning 32 yoki 64 razryadli talqinlarini o'rnatish oynalariga duch kelganingiz aniq.
Razryadlilik nima?
Razryadlik deganda bir vaqtda kompyuter protsessori qancha ma'lumotlarni qayta ishlashiga aytiladi. Shunga asosan chiplar ikki turga bo'linadi: 32 razryadli (32 bitli), bir vaqtda 32 bit ma'lumotni qayta ishlay oladi, va 64 razryadli (64 bitli), 64 bit ma'lumotni qayta ishlaydi.
Bulardan kelib chiqqan holda, operatsion tizim va dasturlar ham ikki xil razryadga mos ishlab chiqilgan.
Ularning farqi nimada?
BIrinchidan, ular turli xil xotira talab etadi. 32 razryadli Windows OS va dasturlardan 4 GB'dan yuqori bo'lgan tezkor xotiralarda foydalanib bo'lmaydi. 64 razryadlilar uchun esa chegara mavjud emas, u tezkor xotira bilan juda yaxshi ishaydi.
Agarda sizning Windows'ingiz 32 razryadli bo'lsa, unga 4GB tezkor xotira o'rnatishingizdan ma'no yo'q.
Ikkinchidan, razryadlarga kopmyuter bilan ishlovchi operatsion tizimlar va dasturlar ham bog'liq bo'ladi.
- 32 razryadli Windows va 32 razryadli dasturlarni istalgan kompyuterga o'rnatish mumkin.
- 64-razryadli Windows va dasturlarni esa faqatgina 64 razryadli kompyuterga o'rnatish kerak.
Qaysi Windowsni o'rnatsam bo'ladi: 32 bitmi yoki 64 bit
Agarda sizning kompyuteringiz 32 razryadli chip bilan jihozlangan bo'lsa , sizda tanlash imkoniyati yo'q. Siz 32 bitli OS o'rnatishingiz kerak.
Agarda sizningn protsessoringiz 64 razryadga mo'ljallangan bo'lsa, unga 64 razryadli OS o'rnatishingizni tavsiya qilamiz.
O'zingizning protsessoringiz chipini necha razryadli ekanligni bilish uchun Windows qidiruv punktida «система» matnini kiriting va topilgan natijaga kiring. U yerda «Тип системы» satridan protsessoringiz razryadini bilib olishingiz mumkin.
Qanday dasturlar o'rnatishim kerak: 32 bitmi yoki 64 bit
Agarda sizda 32 razryadli protsessor o'rnatilgan bo'lsa, sizning kompyuteringizga 32 razryadli dasturdan boshqasini o'rnatish imkoniyati mavjud emas.
Agarda sizda 64 razryadli protsesseo o'rnatilgan bo'lsa, kompyuteringizga 32 razryadli ham 64 razryadli ham dasturlar o'rnatish mumkin. Lekin 64 razryadli dasturni o'rnatishni maslahat beramiz.
Sizning kompyuteringizga necha razryadli OS o'rnatilganini tekshirish uchun Windows qidiruv punktida «система» matnini kiriting va topilgan natijaga kiring. U yerda «Тип системы» satridan o'rnatilgan OS razryadini bilib olishingiz mumkin.
32 razryadli Windows ni 64 razryadli OS ga o'zgartisih mumkinmi?
Agarda sizning protsessoringiz 64 razryadli OS uchun mo'ljallangan, lekin hozirgi o'rnatilgan OS 32 razryadli bo'lsa, kompyuteringizga qaytadan OS o'rnatishingiz kerak bo'ladi.
@OVOZA - zamonaviy va innovatsion